Delhi odd-even scheme kichepi tuni achai nikho hita

Delhi odd-even scheme kichepi tuni achai nikho hita

161
0
SHARE
New Delhi, Jan 15 (Zeenews): Arvind Kejriwal lamkaina Delhi sorkar in nikho 15 sung patepna’a ‘odd-even scheme’ apohdoh hi Friday nikhon aphat akichaitan ahi.
Odd-even scheme hi khopi sung’a hui thenglou asan val jeh’a vetsuina ding’a kibol ahi in, michom chom in scheme hi donbutna chom chom anei uvin, kimkhat in alolhing poi, tin asei uvin ahi. Ahin, Delhi sorkar in janhi nikho chun lolhinna ahi, tia aseiyu toh kihon second phase chepi ding’in jong aseiyui.
Alangkhat’a, Delhi High Court in scheme tosotna anei uvin, Aam Aadmi Party (AAP) in apohdoh odd-even scheme hin ichan gei hamkhat’a lolhinna anei ahi, ati. Dehi Traffic Police hon court heng’a scheme chungchang’a report apeh nauva chun, koi tobang dan palkeh aum’a ahileh dangka 2000 ‘a leu ding’a akisei jeh’a scheme lolhing ahi in, chule sorkar in scheme chungchang thu hi japi san thei ding’a athu athejal jou jeh’a lolhing ahi, tin aseiyui. High Court thutanna douna’a ngehna um thu Supreme Court in janhi nikhon hearing neiding anop peh pon, chule odd-even formula hi kiladoh louding ahi, tin thutanna aneiyui.