Delhi a camp bol a MLA hon thuso a kisei ho adihpoi,...

Delhi a camp bol a MLA hon thuso a kisei ho adihpoi, tia seiyu; CM lamkaina meeting a pan loudinga kilolna neiyu

182
0
SHARE

Delhi a camp bol a MLA hon thuso a kisei ho adihpoi, tia seiyu; CM lamkaina meeting a pan loudinga kilolna neiyu

Imphal, Jul. 10(UNA): CM Biren khel nading a BJP sunga boina um suhlhap ahitai, tia thuso a kisei hi vangset umtah ahi, tin New Delhi a camp bol a MLA hon asei uvin, hiche hi mipin thu ahetkhel nading ahi, tin asei uvin ahi.

New Delhi khopi a camp bol a MLA hon thuso miho telephone a akihoupi nauva, hiche thu thupi tah a asei uvin ahi. Alangkhat a New Delhi khopi a BJP MLA hon meeting anei uvin, Chief Minister lamkaina a BJP legislator ho meeting kikouna a pan loudinga kilolna anei uvin ahi. CM khel dinga MLA hon kiphinna anei suhthip ahitai kiti hi abul umlou jouthu ahi, tin asei uvin chule mipi hon semthu thuso ho atahsan lou diuvin temna anei uvin ahi.

Centre a BJP lamkai hon tuchan geiya CM Biren kikhel ding ahi tia kitepna ima anei loulaiyu ahi’in, hiche thuso hi MLA ho kipunkhom suhboi nadinga phabep tohgon hiding a aginmo nau thu jong asei uvin ahi. MLA hon CM Biren hi vetda jeh a khelding a thumna anei ahipon, Minister post mu loujeh a lunghan jeh jong ahipon, gamsung kivaipoh khel na a kon huhdohna ding ahi, tin aseibe uvin ahi.

BJP sorkar akisem doh a hi gamsung mihon kivaipohna kitup aumding tahsanna aneiyu ahi’in, ahivanga tua CM pa lamkaina sorkar noiya mipi ginchat banga BJP sorkar in na atoh doh joulou ahi. MLA hon Centre a BJP lamkai ho akihoupi jing’a, kivaipohna pha aumna dinga thumna aneijing ahi’in, MLA hon pan alahna hi thunei vaihom choina ding ahipon, chule chang phatchomna ding jong ahipoi, tin asei uvin ahi.

Kiphinna bol MLA phabep CM camp a ajamlut’e, tia thu kisei hi jouthu ahi, tin aseiyin chule Biren in asei banga MLA khatcha CM camp a lut aumpon, kipunkhomna umjing ahi, ati. CM Biren khel ding leh khel louding hi phat dungjuiya kihe ding ahi. Lamkai pa in CM post adeijeh ahi tia thuso phabep a kisei hi adihpon, media in hitobang propaganda asem loudinga ngehna kaneiyui, tin asei uvin chule hiche hi CM Biren lamkaina dei talouva BJP MLA atamjo thumna ahi, ati.

Biren camp a MLA phabep alut jouva kiphinna bol MLA jat akemsuh’e, tia thuso kisei jouthu ahi, tin aseiyun chule CM akikhel kahseh  a thumna kinei jom ding ahi, tin aseibe uvin ahi.