Dec. 20, 2015 – “Society a kin le dong atam hin inchen...

Dec. 20, 2015 – “Society a kin le dong atam hin inchen louchen atohkhah jeh in kin le dong ho lhomsahdi ahi / Kin le dong hohi alou theilou ngen ahijeh in lhomsah thei ahipoi” ti thu’a ngaidan

446
0
SHARE

n Kin le dong hohi alou theilou ngen ahijeh in lhomsah sangin aphat chomma society le namsung khantouna ding ahi poule meeting neijing, kihoutoh jing ngai ahi. Lamkai kahi ti man na aning langkhat a koima jong donglou ama nopchabep a nampi kong atol teng aphatna sang a asetna joh ahijin aphat tin a toukhomma seikhom jinghi thil phajo hinte. Hegin Lenthang, New Lambulane
n Society a kin le dong hohi aloutheilou ngen ahijeh in lhomsah thei ahipoi ajeh chu kin kitihi abang kah le kin khat le kin khat ahung kitokal jong hung um thei ahi, hijeh a chu kin khat le kin khat ahung kito phatle vet a hoiche kin penjoh chu khohjo ham akhohjo kin achu che ding ahi. Henry N. Baite, B.Phaicham, Tuibuong
n Vannoi leiset a mihem jousen custom anei soh ahi jeh in. Tamsah thei suh lhom thei jong ahipoi. Eiho society a jong ipu ipa ten ana bol hohi tamsah be or suh lhom thei ahipoi. Najao na ding lom a jao le chun inchen lou chen tongkha deh ponte. Lal Haokip, Dm veng. Ccpur.
n Society kiloi khomna khat ahitah jeh in alou thei lou programme hochu in chen louchen atoh khah vanga lhomsah ding chu moh hi thei thil ahipoi. Suh lhom sang a semhoi cheh a society khantou nading joh a pan iha lah cheh joh diu kangaisah joi. Society kin le dong ho nahsah le gelkhoh a i koilou jeh uva mite society iphah lel uva mi nung del a ihiti mah thah u ahitai. Semhoi taote kin le dong hojong aphat cheh nading joh in. Goulen Haokip, Tuibung, Ccpur.
n Society sung a kin um hi pha kasa e ajeh chu kin le dong ho aumleh kisuh halna jong ahin kin le dong umna jep society chu akhangtou jep in akilang e. Hegin Mate, Sadar Hills Twisomjang village
n KUKI NAMSUNGA KILOIKHOM NA (SOCIETY) hi aum-dingdol sanga tamval ahitai; hicheho jeh’a hi lamkai jong ija tahlou u ahi. Mose banga lamkai lunglen/nunnem, Josua banga Pathen Lhagao dim/hansan & David banga kitah lamkaileh leng ineitheina dinguva taona puma society alhomsuh ding ngai kasai, tahsa titahlou lhagao lam a adeh a taona kiloikhomna jengjong itamval u ahitan, khat bouvin kitaokhom theileh imalam jouse a kihat ding ahin, Mt.18:19′ a “Mini kilungtoh tah a nataonau Vana um kapan nasanpeh dingu” ati bangin; kiloikhomna tamhi kikhen telna ahin, alhomhi kipumkhatna le hatna hidin kagele. Lhunkholet 1st MR.
n Society a kinle dong atamleh, nehmang suhmang seh hilouva, boldoh tohdoh jong tamdi tina ahin, tohdi umlou kin / dong umdeh lou ahijeh in. Kinle dong atamhi machalna khat ahijeh in, moh umthima lhomsah thei ahipoi. Lalboi Kipgen, Tuibuong
n Kin le dong ho hi ipu ipa khang a pat a hung kibol peh ahitah jeh in inop le bol a inop le bol da thei ahipoi, inchen genthei man a notthap thei ahilou jeh in agenthei in jong a-inchen toh akitoh bepseu a toh ding, ahao in zong ahao dung jui a toh ding ahi. Custom culture neite ihijeh un ichonnau dung jui chet in vang kibol le hoi cheh ding ahi. Minthang, K.Semoul
n Society a kin le dong lhomsah thei ahipoi atam laisea pha ahi. Atam neilou hole aneilou hokhu kingai setna joh’a kidimji ahibouve kinleh dong tamnei jonghi Pathen malsom channa joh ahibouve. Lhunthang L.gamnom vill. Ccpur