Dec. 17, 2015 – NAKALBI (LADDER) AH PHATEN KALTOUVIN. By: Dr....

Dec. 17, 2015 – NAKALBI (LADDER) AH PHATEN KALTOUVIN. By: Dr. Sir H. H. Mate

217
0
SHARE

Tunihin simlai/ jillai (students) ho ding’in themjilna lam mah tilkhouna kaseipih nom in, hijeh chun hiche topic “Nakalbi ah phaten kaltouvin” kiti thu hin hilchahna kahin neijin ahi. Kalbi (ladder) kiti hi asanglang’a kaltouna ding manchah ahin, koima cha kalbileh/chunglang’a panna natong ding’a kumsuh lou ahi. Kaltou hi khantouna/ lolhinna ahin, kumsuh hi khehsuhna/losamna ahi. Tulai lekhasim dan hi ivetna ahileh chihgilna khang ahitah toh kilhonna syllabus hihen teaching lam hijongleh nasatah a kikhel ahitai. Keiho khanglai (1960s-1990s) jachun lekhasim hi atamjo essay type a kiche ana hin, hinlah tuhin ivetna ahileh multiple choice, very short type le short type ngen ahitai. Chule sangtah a pass jouna ding jong abaitan ahije. HSLC Examination hihen, HSSLC Examination hijongleh result ahung kiphuon tengleh First division a lolhing hi second division nalolhing sang’a atam najong a-um juitan ahi. 1960s-1990s laijin HSLC Examination a First division’a lolhinna nei mi 300-500 bep ahin, atamjo hi second le third division hijui ahi. Hinlah 2000 A.D jouva pat third division hi alhom chehcheh tan ahi, chateho. Koima chan Third division na pass ding’in itahsan poi. Hinlah Matric/class x hi third division, 38% bouva pass kahi. P. U. Sc. /Class xii jong second division 45% bouva pass kanahi bouve. B. Sc. (Physics Hons) jong second class, 58% bouva pass kahi. Chule M. Sc (Physics) hi habolla kaki bolleh first division, 73% bou kamun ahi. M. Phil kabol chun first class, 78% kamujou nah nah in ahije. Kakalbi kakalna chun Matric apat master chan chu percentage chu kakaltou sahjing’in ahi. Hiti a hi lekhasim ding ahin, kumsuh, kaltoubollouvin aphai. Tulaijin chate, naotehon nalekhasim nao/themjilna nahol naovah hin HSLC/Matric a first division, class x a second division chule BA/TDC a third division a pass/lolhingjongna um uvin, hichu adihlou um ahitai. Nakal nakalbi a chu chung’a panna tol lang’a hung kumsuh nahin, chunglang’a nana toh ding chunatoh thei tahlou tina ahi. Insuong saho khun chunglang’a patna insuong ahinsah pannu ahipon, tolla patna asah tou uva, kalbi akido uva, kaltou tou uva insuong chu asah doh u ahi bouvin ahi. Achutileh nahinkho a nalekhasim na khehsuh leh achunglang lhung joulou ding nahi tina ahije. Sap le leng nahi joulou ding tina ahi. Nagol naphah lou ding tina ahimaije. Hinlah nakalna ding nakalbi a chu nakal toujing’a ahileh akhonna leh alehlang (climax) nalhun ding ahi. Hichu ipiti na/vetsah na ham itileh minasa khat, sap le leng khat nahi ding tina ahije. Kei lekha them loupen bon kaki habol la, sun le janna lekhasim na a phat kana manna, educational ladder kaneija phatecha kakal touva, aleh lang hoitah a kalhun theileh tunia matric le cl. X a First division muhon TDC le Master’s degree a jong first class mutei ding natup diu, minasa tah nahi na ding’u, sap le leng nahina ding nagel diu ahi. Kalbi kisuh louva kaltou louding ahi. Kalbi kisuh a kaltouna ding guot ding ahi, chateho. 1980s-1990s laijin eimite lah a hin Ph.D. ana chai/anamu jong mi 5 jong anaum pon ahi. Hinlah 2000 AD jouva pat tunichan hin Ph.D. chai/mu eimi ahung umjing tan kipa a-um lhehjeng’e. Hinlah Ph.D. chai/mu itam vang uvin gam le nampia ding’a contribution nei mi ilhomval uvin, hiche hi kapohnat pen ahi. Ph.D. chai nahileh natoh ding tam ahi. Ph.D mu jouva toh ding helou hohi adihlou Ph.D hinte tin kagellin ahi. Ph. D hi 1999 kumma eikipe (awarded) ahin, tohding kakihet be cheh cheh in ahi. D.Litt. hi 2012 kum in eikipe (conferred) kit in, katoh ding atam cheh cheh e. Aban’in Knight of Charity eikipe (Knighted) kit in (2014), an neman louhel lin na katong kit in ahi. Eimiten doctorate degree award eikibol ho le confer eikibol ho hi kachoh tho dan’in nasei uvin, hinlah eimi Ph.D mu hon India ding le World a ding’a contribution nanei-u kamu pon ahi. Na nam mite ding jeng’a jong contribution neijou louhon vannoi gamtinna contribution neijou pa hi tukal hindemdataovintia kahin tem nahiuve, sopite. The more I got doctorate degrees in different fields (topics) the more I had contrtibutions for the world wide. Doctorate degree kamu ho Physics lampang’a nakatoh ahi. Literature a na katoh ahi. Charity lamma nakatoh ahi. Theology lamma D.D eikipeh jeh a Pathenna hi chagate le genthei/neijou loute Chung’a na katoh ahi. Doctorate degree kamu tam channa katoh ding tam cheh cheh ahi. Tulaija chate, naote hon M.Phil, Ph.D nahin bolteng’u leh ahah satdan le natoh diu atam dan nahin het doh diu ahi. Research scholar hijatoh ding katheipoi tiho hi mithase ho ahiuve. Mihem chihna, thepna sang ahitan, Ph.D nabol nading’a jong NET or JRF namu ngai ahitai. Keiho khanglai ja chu M.Sc First class imu pouleh University Professor hon M.Phil, Ph.D bolding’a ijol tho-u/ikoutho-u anahin, tunvang ahithei tapon, kalbi a hi phate cha nakal toudiu, alehlang (top) nalhun na diuva naki habol diu ngai ahitai. Pontho hiute thoh hat hiute, tup nei hiute, Pathen na kingai hiute.

SHARE
Previous articleDec. 17, 2015
Next article