Dec. 15, 2015 – 25 December hi Christa pen nikho ahipoi ti...

Dec. 15, 2015 – 25 December hi Christa pen nikho ahipoi ti hilchietna By: Jangkhopao Haokip, 9402928985

141
0
SHARE

Jesu christa pen a chu Herod lengpan tha ding anagon jeh chu lekha a anikho akisut loujeh a kihethei lou ahitai. Roman Lengpa Constantine leh Bishop hon 25 December hi kihoulhahna ana neijeh uva vannoi leiset pumpin ihin man u ahi bouvin ahi. Tukhanga Bible hetgilna neihon ahin khol u leh Ethanim lha (Sep/Oct) 15 joh hi ahisah un ahi. Hiche nikho hi Ethanim – 15 Lhambuh Kut niloupi ni (High Sabbath) kipatni jan hi Yahshua Messiah pen ni joh ahi. Ajeh chu alhangpia chapang hi anun lhako (9 months) avop in anikho a isim leh nikho 280 ahi. Hilchietbe Nom Hiche December/January lha hi (Tebeth, Bible lhasim a lha 10 channa ahi). Hiche lhasung a hi Mariam kom a Gabriel vantil chu agakilah in “Ven gaijin natin chapa khat nahin ding ahi” ati. Mariam in Yahshua avop pan ahitai. Chule Elizabeth kom a thilsoh umchan Mariam in agasei leh Elizabeth in hiche thusoh chu ka oisunga naosen injong ajah phat in akipat in a oisung ah akichom e ati. Hiche laitah a chu John anu Elizabeth oisunga aum lha 6 alhingtan ahi. Luke 1:26-41. Hiche December/January (Tebeth) lha a chu Mariam jong chun Yahshua Messiah avop pat lha ahitai. Lhamin leh nikho jat ho: Dec – Jan (Tebeth) 29 – Mariam in Messiah avop lha 1 na Jan-Feb (Shebat) 30 – Mariam in Messiah avop lha 2 channa Feb – March (Adar) – 29 Mariam in Messiah avop lha 3 channa March – April (Abib) – 30 Mariam in Messiah avop lha 4 channa April – May (Ziv) – 29 Mariam in Messiah avop lha 5 channa May – June (Sivan) – 30 Mariam in Messiah avop lha 6 channa June – July (4th Month) – 29 Mariam in Messiah avop lha 7 channa July – August (Ab) – 30 Mariam in Messiah avop lha 8 channa Aug – Sept (Blul) – 29 Mariam in Messiah avop lha 9 channa
Sept – Oct (Bethanim) – 15 Yahshua Messiah pen nikho ahi. Nikho hohi igop leh 280 kitohchet ahi. Thadou-Kuki Commentary (hilchiet) a ahung kitahdoh phat leh alhingset a hilchietna imudiu ahitai. Christian jousen December khat a pat Jesu Christa kei ding’in ahung penge tia kipah jousen insung, lamtin chule hoilai mun hijongle Star akhai uva ahoithei channa ajep uva Christmas la ho ngaitah tah lha ding ahi. Chutia ibolchieh uva ahile mijouse lungsung’a kipa leh cham leh lungmon hungdoh ding ahi. Christmas nikho adih ahi tia hung kisun hi khel tao hite tina ahipon Bible a um lou anikho iman u ham tia lungdong mi tamtah aumjeh a mijouse hetthei dinga hung kiso ahibouve.