Dec. 13, 2015 – “Tribal martyr ho lunghempina leh kiphinna  kichai  loujeh...

Dec. 13, 2015 – “Tribal martyr ho lunghempina leh kiphinna  kichai  loujeh a tukum Christmas le New  Year  golnop teng sa  nehkhom  bol loudi ti hi aphai / angaiyin nehkhom  kibol jongleh akhoh dehpoi” ti thua ngaidan

585
1
SHARE

1. Tribal martyr 9 ho akivui doh loulai jeh in tukum Christmas leh New Year golnop hi kimanda henlang Chirstmas ni anipi ni thupitah in kimang joleh pha kasai, Christmas leh New Year kipahtah a iman uva tahchapa mi 9 in anam chankhom pi ngailutna jal’a thina ato uva tua eiho Kuki ten golnop kipah tah’a iman diuhi phamo kasai. Namdang te noise ichanbe kitdiu ahi. Chongneo Hangshing, Khunkho, Sadar Hills

2. Tukum jong kumdang ngaina bang in Christmas leh New Year goulnop a, an nehkhom hi kimang leh pha kasai. Ajeh chu tonsot a ihin thei nadia eihuhhingpa pen nikho leh kipa najal a ni 1 ni 2 ankong sokhomna chu, leiset lenggam chomkhat kah a dingbou ho jal’a boina them them jeh a suhboi sah ding kanom poi. Chule nungah golhang chapang ho ding a jong ngalal umpen khat jong chu ahi jeh in, Pakai pen kipapina an nehkhom hi kimang henlang hileh pha kasai. Robert Thangminlien Hangmi, Tengnoupal
3. Christmas a saneh pha kasapoi ajeh chu isopi thilong um nalaija eihon noptah a saneh ding tichu kingailut lou avetsah e. Chuleh Chrismas a sa kine kiti hi apha poi ajeh chu Christa lhagao isung uvah alut theipoi sa joh Pakai jin inei taove ajeh chu ahou ten lhagao leh thutah in hou hen akiti. Haopu Touthang, Saikul Bazar, Sadar Hills
4. Tukum Christmas a nehkhom bol louding in pha kasai ajeh chu tribal martry ho lung hempina poh natna jal in jana neipum in nehkhom bollou ding in pha kasa lheh e. Channu Lanchah, Ukhrul
5. Christmas leh New Year nehkhom kibolji hi Tribal Martyr um masang peh’a kibol ahitan chuleh eiho thinglhang mite chondan in, mithi ineiji jeh uva kosa jong ibol jiu ahi. Neh kitihi tahsa a ding ahi jeh in thale junga hatlou leh lungthim ngaito najong alhasam in nehkhom nehkhom donkhom kiti hin kipum khatna apethei in ahi. Hijeh chun nehkhom hi habol a bolding thule la jong hasei a seikhom ding ahi. Mang Singson, Thingpan, Tipaimukh
6. Kenvang Christian hodinga holyday ahijeh in athenna banga imanthei’u leh nampia din taokhomna phatkhat houbungtin in kineile sanehkhom chu asetna aumpoi tin kagel e. DK Haokip, Phaipijang village, Henglep Sub-Div.
7. Christmas New Year ahin Martyr chang sopi deitah mihangsan teho geldohna joh a nidang laija bongsa vohsa ineh khel uva Seil (mithun) joh akho kho a ikithaova amaho kivui hih laijong le kosana tobang leh Jana vetsahna ibol diujoh ahi. Lalsang Tous, Bangalore, MG Road
8. Tukum Christmas le New Year hi nehkhom kineida le kati e. Themneng Hangshing, Khunkho, Sadar Hills
9. Christmas le New Year a hi athi ho geldohna’n bu chu kine henlang ahitheile nikhat ham amaho geldoh nan taona kimang henlang amaho dingin kitaojo le kati’e. Amaho thi jeh a bu ingol a phadi ahipon chesang in kitao kopjole kati e. Haoneo, Leikot, Sadar Hills
10. Tribal martyr hochu noisena ahipon, i-Pakai Jesu penni tia kum cheng a inaman jiu chu eiho thina ahilou leh eiho vangsetna toh chom khan ding eiho society ahilou leh ihoubung cheh a kilol na bang a manding ahi. Martyr hochu Christmas suhboi sahlou di joh ahi. Lamkai hon apha pha in hin ngaito nauvinte. Eiho Thilong jeh a Christmas ilhahsam sah’u leh Pathen lunglhai ding in kagelpoi. Melody Mate, Tuibuong, Khopi Veng
11. Christmas le New Year teng angaija bang in nehkhom kibol kit le kati. Ajeh chu kum khat lhungkei ja tongle tham chule inmun dalha a mun chom chom’a um ihijeh un, Christmas hi iumna cheh uva i ngalel jing’u toh kilhon in anneh khom hohi kibol le phante. Chu le New Year teng jongle munchom chom’a hung kikithe thang kitding ahijeh’in kho sungmi/insung mi kikim pet jong ahijeh in nehkhom hohi kibol le pha kasai. Jameslen, Gamphajang, Ccpur
12. Tribal martyr hole Chrirtmas New Year golnop a thu hi mi tampi munchom chom’a uma a-inkote akhosung mitetoh kipah thanom tah’a mangkhom ding le nekhom dinga kisuh khomna phatjong ahin adam chengin kipahtah le thanom tah mankhoma nehkhom mo ahipoi. Seilam Kipgen, Vengnomphai, Ccpur
13. Christmas le New Year a sa nehkhom hi martyr hotoh akimatna aumpoi, chule saneh khom jong hi mipi kilungtona khat ahi. Martyr a thi hochu gelkhoh ding ahinai hijongle nehkhom toh ama ho thi hi akimatna aumpoi. Christmas New Year sunga hi saneh tei tei ding ahi. c,0N Haokip, Ccpur
14. Tribal martyr ho kivuidoh masanga iti Christmas le New Year golnop a iman diuham? I-Pathen u phaten hou dihtah in hou ute. Kenvang golnop sang in Pathen henga ithum diujoh thum u te. Nemtinlhing Lhouvum, Lhungjang Veng, Motbung.

15. Martyr 9 inei uin kilung khat kipum khat vetsah nan Christmas manda ite itiuva ahile vang geldan khat ahin, Christmas iman uva sa ineh u vang chu asetna ima aumpoi. Thangcha, Lajangphai, Ccpur

16. Tribal martyr ho lunghempina leh kiphinna hi State government tong khathei ding ahi ngal louleh kibolda henlang, koima hetphah lou eiho kigimbol na bep’in vang kibol bolda ta le kati e. Imi isa tin lunghem pipi jong leuhen ilunghem piu chu government het phah ahilou leh pha chom pontin, chu sang’in politics’a akisalel loi kisalel henlang mipin thanom tah leh kipah tah’in phat le ni ho nehkhom na leh Pathen houkhom nan kimang jo le phadin kagel’e. Kama,N. Lambulane, Imphal

17. Chavang Kut leh Lompi golseh bon kibol thei ja, LOUD SPEAKER, joh kimanda theileh. Ajehchu Thilong uma Christmas program lenkhom, choh jeju a kibolchu mithite din, gah kingai to ute. Douthang Khongsai, L.Simoul Ccpur

18. Kenvang kumseh a kaneova patna Chirstmas kumhei seh leh sanehkhom hung kinei jing ahitan tukum sopi mithi ho aum jeh a neh louding tivang kagel thei poi. Huhhing pu Jesu pen kipa na’a nehding joh ahi. Mangneo, Ccpur

19. Tribal martyr hojeh a tukum Christmas leh kumthah golnop a ankong bol hi akhoh behpoi ajeh chu kumseh a ina bol ngai sau ahin kum khat tou ki off leh mi lunglut beh ta ponte. Ahin kum dang sang in tukum hi nop jou pon te. Th.Thangjuan Vaiphei & L.Sanglen vaiphei, Leilon vaiphei vill, Ccpur

20. Sa nehkhom jeh a lunghempi louna thu ahipoi neh khoma a chule aban a jong pan halah a lahding joh ahi. Titing Kipgen, Kipgen Veng, Ccpur
21. ‘Martyr ho kivui doh naihih jongleh Nehkhom Christmas a bolmo ahi poi’ Ajeh chu mihem hi neh a kihing akihi jeh in nehkhom lam pang hi bol ding in deium kasah lheh e, Thachol petna neh kibol kiti hi tahsa ding a lung bukim na leh Oisung suh hing na ahi e. Helut Guite, Maohing, Sadar Hills

22. Tribal martyr ho jeh a Chirstmas le New Year a golnop teng sa neh louding kitichu kine jongle ipi asetna um diham. Angaiyin nehkhom kibol jong le akhoh deh poi. Hitz, Sasang Khongxai, S/Hills, Saparmeina, Muonphai.

23. Tribal Martyr ho lunghempina leh Kiphinna ineijeh u mai mai a ibola i Pakai u pienni a nehkhom kibolda diham, Tribal martyr hochu gelkhoh louman a kasei ahipon, athengsel a seiding chun eiho hinkho ding gelna a gan ankonga genthei tah a hungpeng, lhunna dingcha jong neilou i Pakai u penni a nehkhom ineidiu hi, hichi hin athiho toh ima kisam kaina aneipoi tin kagel e, eiho dinga hungpeng eiho khel a hungthi pa chu martyr hosang in le 70 in aloupi jona lai e tin kagel e. Khup khs. moreh.

24. Tribal martyr ho lunghempina le kiphinna kichai lou jeh a tukum Christmas le New Year golnop teng sa nehkhom bol loudi tihi pha kasa poi. Ajeh chu a-itih a ana kibol jingsa chuleh alen aneovin akingalel pen chu sa neh khom chu anahi penji in ahi. Ahin Christmass le New Year teng athi te insung mite teding in neito khom nale maicham sempehna neijo leuhen pha jon te tin kagel e. Boilen Kuki, B. Vengnom, Ccpur 25. Sa kinele kine hihle ipi khoh diham katie, chesang chun bon kho jousen (mike/horn) joh kimanda henlang icho jeju hou ichen khompi hou kijah sah da jole kadei e. Ahichu ipi chu hitajong le Christmas hou inn kai kiti hohi lhagao lamthu ahin tahsa lam boinajeh a lhagao lam kiman chah dan isuh boi leu Pathen taitom imoh hikhah diu ham tia kagel kom aum jie. Papao, Ccpur. 

26. Christmas leh New Year hi martyr hojeh a sa nehkhom bol lou di tihi kilung to, ki ngailut, kijato najal a ani ajong manda thei ahi, ahin Bible in ipi asei am? Nalungkham na jouseu ama chunga seplhauvin ajeh chu aman nakhan kho diu agel nai ati ahi. Tua gah vetdin iman diu nikho hi nangle kei thina dia  eihuhhing pu pien nikho ahi, loupi nasah lou ham? Chutia manda thei tia nagel leh school, college, social programme, etc hohi kinit/kimang kit ham? Chirstmas le New Year sanga poimo ham? Leiset a hinnadi leh nopsah nading igel khoh leu tonsot a ilhagao hin nadi gelkhoh di hilou ham? Gel khat a geldin vang icha, inao thiluong uma nehkhom na a jaodi chu nangle keidia thil hahsa ahi ahin nalungkham/ilungkham na ipi ham chu kineosah le lunggil tah in tahsan pum in abon in seplha leuhen ahin bulhit dichu Pakai/Pathen a um nai. Momon Kipgen, Koite, Ccpur.(9856952864)

27. Sa haneh a nehdi Christmas New Year jong kipah le tha nom tah’a mandi ahivnga isopi athi ho suhmil loudi ahi. Boithang, Khengjang, Sadar Hills

28. Sopiho longdamsa um jeh’a Christmas le New Year a sa ngol lou aphai. Ama hohi lhagao vou a kikhel gam ahi taove tahsa long hi ingaichatu suhbulhit ahina dinga ikoi u ahibouve saneh louding kitile chate  rally hungum kit get inte. Lhunthang Haokip, L. Gamnom, Ccpur

29. Tribal martyr ho jeh a Christmas le New Year a Sa neh lou ding tina aum dehpoi. Saneh khom le nehlou a apha  chom ding a hi tapoi. Hijeh chun Christmas le New Year phat le Houbung in minute 2 tabang condolence kinei cheh theile vang phapen inte. Lal Haokip, DM veng, Ccpur

30. Lhagaova iki manchah  nadiu thule i political issue hi sumat pou hite sopi teho. Christmas a sa kineji hi golnop bolna mong mong a kine ahi dehpoi. Pathen chapa ‘Jesu’ eiho lungsung a ithah pensah thei jieh va, lhagaova kipana inei jeh’u ahin, Lhagaova kipana jal’a chu, tahsa a, kipa vehsah na a, sopi ule nao, khusung mite toh nehkhom kibolji ahi bouve.  Angai in nehkhom kibol henlang, inam sung u boidan hi Pathen ang ah lhut hiute Christmas teng. Thangboi Haokip, Gamnom, Ccpur.

31. Tribal martyr hohi JAC, JPO, le Inpi dang dang ho khut a kon a PTC ho khut akipedoh ahitah jeh in Christmas le New Year hi ama ama houbung in adei dantah in mang jongle asetna umlou ahitai. St. Kuki, L. Molvom, Ccpur.

1 COMMENT