Dec. 11, 2015 – KILOIKHOM NA KHAT LE MIPI THAKHAT ...

Dec. 11, 2015 – KILOIKHOM NA KHAT LE MIPI THAKHAT By: Lalneo H. NGV

145
0
SHARE

Tuchung thu toh kisei a Kuki te dinmun kavetle boi kasa ma ma jeng e. Thu kahetlou jeh hiding in katahsan e. Hinlah masanga kona ka thet le kadeilou pen eihon iche piu khat chu lamkai tam (civil le thingnoi), kiloikhom tam hi ahi. Tunin Nam sepai lamkai tamtah aum in, KIM (Kuki Innpi Manipur) branch tamtah aum in, KSO jong aum in, Kuki State Demand Committee lamkai aum in, Sadar Hills District Demand Committee lamkai (ahing u’ham athi u’ham kihelou) aum in, Thadou lamkai aum in, Phung pi Lamkai ho jong adimset kit e. Aum lou theilou kiloikhom na jong chu ahinai, hichu kadei lou ahipoi. Het thei chu lamkai jouse hi mipi elect aumpoi. Eima kigel lhah napa chu ahi. Power dei man a ding jong um in tin nampi a dinga thu dih le thilpha bolnom um in tin, ipi chu hitaleh, Homer in asei “TOO MANY KINGS CAN KILL TOO MANY SOLDIERS” hi geltoh chet u hite. Abei lam a sei dingin leng (king) atam teng kidou na hungtam in tin GAL (war) jong hunt tam ding kitha na pung ding gam sunga chamna umlou ding tina ahi jenge. Kiloikhom na atam teng, lamkai atam teng, amasapen a thu tam ding chule achamlou va kitomo na pung ding achaina a imacha molso na umlou ding ahi. Tuni ka nam chankhom pi kangailut tah Kuki chate ho, LAMKAI ah ngol poute, LAMKAI kichu poute. Kiloikhom na athah thah sembe ding ngai kasa poi. Nangseh seh lamkai dinga lhingjou a nakigel leh mipi in nangseh seh lamkai a dinga lhingjou lou a nakoi ding tuni idin mun u tobang nahin to tengleh nahi na dihta hung kiphong doh ding koima support na chan lou ding NAMPI a dinga kipal na (disgrace) nahi ding ahi. Tunia isopiu Naga ho bang a a’nam sung uva boina aumteng a’vet tou jing jeng thei u, a’kinep p i jing thei’u, a’lungmon na le a kilung-to nau mudoh nathei, UNC tobang nei ute. Tu le tu a nampi level a eiho ngaichat pen hi hiche hi ding in kagel e, KILOIKHOM NA KHATSEH le JA-UMTAH le KITUP tah khat. Chuteng thu hi boilouding (complicated) chuleh facebook account free ahi man a thu moh sei-sei ho jong um ta ponte. A wise and successful woman Mary Kay Ash, (founder of Mary Kay Cosmetics Inc.) once said,“THE SPEED OF THE LEADERS IS THE SPEED OF THE GANG” Haat in lang haang in TAH CHAPA, TAH CHANU