Court compound sunga mipi hon Ukil khat anavoh jeh uva Ukil hon...

Court compound sunga mipi hon Ukil khat anavoh jeh uva Ukil hon toumun kiphinna bol

61
0
SHARE

Court compound sunga mipi hon Ukil khat anavoh jeh uva Ukil hon toumun kiphinna bol

Imphal May 20(ET): State sorkar in gamsung a mipin thutanna anei lou nading a Bill phatsahna anei vang uva alolhing joupon, Uripok court complex sung a mipi lunghangtah a kikhom hon Ukil (lawyer) khat abulu uvin, lawyer adang honjong alona je ahedeh pouvin ahi.

Achesa May 18 nikho a mipin lawyer khat abulu a avoh douna a Cheirap Court a tunin toumun kiphinna abol uvin, mipi hohin Court a kikoi thil phabep jong asuhset u ahi. All Manipur Bar Association leh High Court Bar Association lamkaina a toumun kiphinna abol uvin, AMBA President in charge Brajit Singh in thilsoh demna sangtah aneiyin ahi. Achungthu kisei jail a umho chung a court in mopohna anei ahi, ati.

Koima dan chung a aumpon, Minister leh MLA honjong themmona aneiya ahileh gotna apeldoh theilou ahi’in, court in thulhuhna aneiding ahi, tin aseibe in ahi. Mipin court abulu na thisoh chom chom aseiyin, security lhasam hiding ahi, ati. State sorkar leh Home Department in boina thilso nathei ho vendoh nading a security lhingset a agon peh diuvin aseiyin chule boina sem a mipi apanlou nading a ngehna aneiyin ahi. Mipin khut alha louna ding a tu masang a ‘legal awareness’ program phabep anaum vang a aphachom lou tobang ahi, tinjong aseiyin ahi.

Hitia mipi kipunkhom a akhut alha a thu atan hi I society uva angai bang a aumtah, India dan dungjuiya thutanna gang hih jong leh thudih a thutanna umding ahi, ati. Hetthei khat chu Manipur Legislative Assembly in kum masa December lha a mipi khut a thina toh a atam cheh cheh jeh a Manipur Protection from Mob Violence Bill ana phatsah ahi. Dan dungjuiya mi volih a pang mipi, mipi lah a mi jumso na natong a chule hunam a a-inmun lha ong sah ho gotna peh ding a kisei ahi. Thilsoh a vangsetna toh nu/pa in thina chan ato leh themmona neiho hinkho lhung keiya jail a umding chule dangka lakh 5 chan leu ding a jong ‘recommend’ abol u ahi.