CorCom leh ULFA-I thingnoi hon Independence Day ‘boycott’ bol; strike bol dinga...

CorCom leh ULFA-I thingnoi hon Independence Day ‘boycott’ bol; strike bol dinga kouna neiyu

440
0
SHARE

CorCom leh ULFA-I thingnoi hon Independence Day ‘boycott’ bol; strike bol dinga kouna neiyu

Imphal, Aug 11(ET): Coordination Committee (CorCom) kiti Manipur a um thingnoi kiloikhomna len len ho umkhomna chule United Liberation Front of Asom- Independent (ULFA-I) in August nisim 15 teng Independence Day boycott kibol ding, strike umding ahi, tin phondohna anei uvin ahi.

Thingnoi kiloikhom hon thuso aneikhom nauva gamsung mihon India Independence Day boycott abol diuvin temna aneiyun chule August nisim 15 jingkah nidan 1.30 a kon nilhah nidan 6.30 chan strike bol dinga kouna anei uvin ahi. Ahivanga bandh sunga damlou na, meivah, twi, fire service leh hou thu a vah le ho kilha ding ahi, tin asei uvin ahi.

Kihetna dinga pan la ho dinga August 15 nikho a Independence Day kiman hi akiman lo na umlou ahi. India gamsung hi kum 100 val British vaipohna noiya aum jou August 15 ni a Independent amu ahi, tin aseiyun chule ‘Western South East Asia (WESEA) injong chamlhatna amu ahi, ati. Vangset umtah a British hon gamsung adalhah jou jouva gam lo dinga kilosetna neiya Indian Imperialist hon gangtah a hunam aman uva duha abol uva chamlhatna neiya gamkai tamtah August 15 nikho a apunkhom u ahi’in, sepai thahat a alah u gam phabep jong um ahi, ati.

Hunam a hitobang abol jou uva ‘democratic institution’ jouse asuhmang uva, gamsung mi dihtah ho India chunga akingapsah u ahi’in, eima eima chon leh khan toh kitoh a kivaipohna asuhset uva Indian central asemdoh u ahi. India in nam kibungkhenna a gal abol ahi’in, RSS-BJP hon ‘one nation, one religion and one language’ ideology aneiyu hi gamsung mi dihtah hon nasatah a adoudal ding ahi, ati.

Jammu and Kashmir gamsung miho dohna beiya Article 370 kisuhmang chule gamsung kibungkhen hin India gitlouna chule chonna akhohsah louna avetsah ahi, ati. India vaipohna a kon chamlhatna neiding hibou Hindustan in eival lhum nadinga kon kihuhdoh nading ahi, tin thingnoi kiloikhom hon thakhat a apeh u thuso chun aseibe in ahi.