Congress in kum 70 avaihom jeh’a Manipur boiya ahi: Rijiju

Congress in kum 70 avaihom jeh’a Manipur boiya ahi: Rijiju

181
0
SHARE

Imphal, Feb. 27: Union Minister of State for Home Affairs Kiren Rijiju in Monday nikhon gamsung’a kum 70 Congress in avaihom jeh’a Manipur gam’a thingnoimi kisemdoh ahi, tin aseiye.
Manipur gam kisuhsetna hi Congress jeh ahi, tihi kicheh tah ahi. Gamsung’a thingnoimi aum hi Congress in kum 70 avaihom jeh ahi. Gamsung asuhset soh ahitai, tin Rijiju in aseiyin ahi. Machalna ding lampi pha pen hi chamna bou ahi, tin aseibe’e. “Tuchung hi Manipur gam’a kon Congress suhmang ding kadeiyu ahi. Gamsung akhantou ding idei uleh Congress suhmang ding ahi. Boina leh hahsatna thu jouse kisulham ding ahi”, tin Chandel’a election rally abolna’a aseiyin ahi.
AISA leh ABVP ho Delhi University North Campus’a aboi thu’a Rijiju in janhi nikhon, ‘nationalism’ hilchenna dih pe ding’a koima tha kipelou ahi, ahin, India gam suse kigo’a thingnoimi toson hohi gamsung doudal tia kila ding ahi, ati. ‘Freedom of expression’ pansatna’a neiya gamsung suhboi nading thu seiya simlai jong um ahi”, ati.