Congress hon Haryana CM lim kisem meiya hal; hunam a kipohna sorkar...

Congress hon Haryana CM lim kisem meiya hal; hunam a kipohna sorkar ahin, boina sem louva kiphinna kabol diu jong eiphal peh pouve, tia Gaikhangam in sei

285
0
SHARE

Congress hon Haryana CM lim kisem meiya hal; hunam a kipohna sorkar ahin, boina sem louva kiphinna kabol diu jong eiphal peh pouve, tia Gaikhangam in sei

Imphal, Oct 18(ET): Manipur Pradesh Congress Committee (MPCC) Head Office, BT Road, Imphal khopi a tuni sun a boina sangtah aumin, Congress activist hon kiphinna bol ding agot uva, Haryana Chief Minister Manohar Lal lim kisem meiya hal ding agot u vendoh nadinga state police tamtah in Congress office lutna gate angah uvin ahi.

CLP lamkai Okram Ibobi, MPCC President Gaikhangam, MLA K Ranjit, MLA Mirabai, MLA Th Lokeshore, Moirangthem Okendro, Victor Keishing leh Congress activist adang dang panna a Congress party member hon toumun kiphinna abol uvin, AICC president Sonia Gandhi demna a Haryana Chief Minister Manohar Lal in thu asei jeh a ngaidam athum dinga thumna anei uvin ahi.

Haryana gamsung Sonipat mun a CM Manohar Lal in BJP a dinga election rally abol ni nga masanga Congress president Sonia Gandhi leh party demna thu asei ahi. “Lok Sabha election a gol alel jou uva party president panmun a kon Rahul Gandhi in haina aneiya, lamkai thah hi Gandhi insung a kon hilou ding ahi ati ahi. Athulhuhna kana lamto u ahi’in, khang khang a lamkai kipehson to na kichaina hiding ahi tia kaseiyu ahi. Lhathum jouva Congress chief panmun Sonia Gandhi apeh u ahi. Hiche hi mol kilai a jucha kimudoh tobang ahi’in, jucha jong athisa kimu tobang ahi”, tia CM Manohar in Sonia totna a anei ahi. Athusei hi mopohna neilou thusei ahi’in, Manipura Pradesh Congress Committee lamkai ho, Gaikhangam leh Ibobi chule adang dang in adei lounau thu asei uvin ahi.

Sun a Congress activist hon Haryana CM lim kisem hal a kiphinna bol dng agot u ahi’in, ahivanga police team tamtah in effigy alahpeh uva, kiphinna abol nau mun asuhset peh u ahi. CM anahi leh Opposition lamkai IBobi chule MPCC president Gaikhangam leh adang dang hon lampi dang aneilou jeh uva police team ho akimaitopi ahi. Chomkhat jouva Congress lamkai leh worker ho MPCC office complex sunga lut uva Haryana CM lim kisem meiya ahal uva, athusei ngailou jeh a ngaidam athum dinga awging a asap u ahi. Hiche hi hunam kivaipohna ahi’in, kiphinna kabol diu jong eiphalpeh louvu ahi, tin Gaikhangam in thuso miho henga aseiyin ahi. Kiphinna akibol pet a MPCC office lutna gate ipijeh a kikhah ham tia thudoh anei uchun Gaikhangam in tua sorkar noiya Congress worker hon kibolgimna ato jing ahi, ati. “Tear gas, mock bomb ho MPCC office sunga kiphinna kibol pet a tu masang a jong anakap uva, worker tamtah kisukha a hospital lhung jong tamtah um ahi. Worker ho kisuhkhah ding kadei loujeh uva worker hon gate akha u hiding ahi”, tin adonbut in ahi.

Tua BJP sorkar in India constitution totna a anei ahi, tin Gaikhangam in aseibe in ahi. Gamsung miho ahilouleh political party hon tohgon umho deilouna thu asei diu kiphal pehlou chule kingai pehlou ahi, ati.