Congress dalha MLA 8 ho showcause notice kipeh MPCC President Gaikhangam in...

Congress dalha MLA 8 ho showcause notice kipeh MPCC President Gaikhangam in lemna nei

504
0
SHARE

Congress dalha MLA 8 ho showcause notice kipeh MPCC President Gaikhangam in lemna nei

Imphal, July 13 (ET): Manipur Legislative Assembly Speaker in Congress dalha’a BJP jop MLA 8 ho chung’a showcause notice apeh ahung lhung ding July nisim 27 kahsung’a donbutna ahinpeh ding uva phat ateppeh MPCC President leh CWC Member jong hi Gaikhangam in lemna anei toh lhon’a hitobang  kalsonna ahin nei hi thil dih ahi tin tuni Heingang Assembly Constituency mun’a one-day Polling Wise Workers’ Interaction Program kiman na’a anasei in ahi. Kingon chu Heingang Block Congress Committee in agon ahin hiche achun Heingang Assembly Constituency sung Polling Station 45 a Block Level chuleh Boot Level Congress lamkai leh worker tampi jong pan anala uvin ahi. Kihoukhomna kingon achun Heingang Block Congress Committee President Dr. Brojen, MPCC President Gaikhangam, MLA Joykishan, MPCC Vice President S Achouba, Heingang Assembly Constituency a dia election ana tet P Saratchandra leh milen milal hon jong pan anala uvin ahi. CWC Member Gaikhangam in aseina’a tulai gamsung mi jouse boidan leh genthei dan hi along chang’u asou jeng tan ahi. Ajeh chu gamsung thunei vaihom hon jong mipite ding gelkhoh ta louvin alang lang’a akidin te uvin lamkai khelding leh tohmun kichuna lampang in bou akisaboi gam tauvin ahi ati. Hitiho jeh hin tuhin Manipur in political lampang’a boina lentah aneidoh naban’a  adeh in sum le pai dinmun ahahsa tan ahi ati. Tule tua Manipur dinmun hi adamlou jou talou ding mun tobang ahitan ahi tinjong aseibei. Tuchung RBI in Manipur government sum pehlou dia khamgahna ahinnei hi gamsung khang  thusim’a dia amasapen jong tithei jong ahi ati.

Hiche toh lhon’a MPCC Secretary chuleh Heingang Kengra Congress a dia candidate jong anahi P Saratchandra in houlimna aneina’a Heingang hi Chief Minister pa umna hi jong leh hiche constituency sung’a neilou vaicha hon Government natoh neo khat muna dia sum tampi pi asun’u hi aneilou te ding’a hahsatna sangpen kaht ahi ati. Chuleh BJP lamkai hon aneilou khat lahpeh be ding anei khat pehbe ding tihi achepi ahi toh lhon in hiche hin nikhat leh BJP leiset toh ahin chot thap sahding ahi tinjong aseibei.