CM in District khat thenso: TRI Imphal a Kamjong District thensona leh...

CM in District khat thenso: TRI Imphal a Kamjong District thensona leh kipa vetsahna kingon um

245
0
SHARE

Imphal, Dec. 29 (DIPR): Tuni chun Tribal Research Institute (TRI), Chingmeirong a Kamjong district kisemdoh kipapina kingon khat ana chelha in ahi. Kingon chu District Administration Kamjong in aguon ahi. Tuni kingon a chun developmental project li jong mipi ding in akiphongdoh in ahi. Hiche ho chu –Tribal Inclusive Infrastructure Projects Phungyar le Kasom Khullen; Augmentation of Water supply Scheme at Phungyar le Eklayavas Model Residential School Kamjong ahiuve.
Kingon a chun Chief Minister O.Ibobi Singh Jin-gun in apang in, Deputy Chief Minister-Home in-charge Gaikhangam kinneipa in apang in chuleh Revenue & Law & Order Minister I.Hemochandra singh, PHED, Labour & Employment Minister T.Manga Vaiphei, Commerce & Industries, Sericulture and Veterinaty Minister Govindas Konthoujam, Social Welfare and Co-operation Minister AK.Mirabai Devi, Parliamentary Secretary (Tribal Affairs and Hills and IT) Victor Keishing, Chief Minister lui le Rajya Sabha MP lui Dr.Rishang Keishing Jin-ja’um in apanguvin ahi. Hiche keu hilouvin IAS Armstrong Pame chule Kingon a chun Kamjong District DC masapen Armstrong Pame, top official ho leh Kamjong Haosapu le khomiten pan alauvin ahi. Deputy Chief Minister Gaikhangam in ahoulimna ah Ibobi in district thah 7 asemdoh chungchang ah kipapina thu aseiyin, ‘Don’t be Judas to those who are Jesus to you’ tichu min thilpha khat eibolpeh leh aselam in lahih in ti thudol ho’a houlimna aneitoh kilhon a ahunglhung election’a Congress te panmun hoidan hojong aseiyin ahi. Deputy Chief Minister Gaikhangam in aseibena ah athah’a kisem district sagi hi gamsung khantou nading ahi, tin aseiyin chule ipijeha kikhelna pohlut nading’a sorkar tohgon hi mi phabep in adoudal ham, ati. Sorkar tohgon aphat tin’a kisuboi jing ahi’in, ipijeh’a hill district’a machalna ding tohgon aumpoi, tia sorkar themmo kichan ham, ati.
MP anahi Rishang Keishing in houlimna aneina’a chun gamsung suhkeh nading tohgon ipijeh’a kisem ham, tin thudohna aneiye. Chief Minister in athah’a kisem district’a developmental project chom chom jong hondohna aneiyin ahi. Phungyar leh Kasom Khullen kho haosa leh village council thalheng honjong pan ala uvin ahi. Hetthei khat chu mi phalou mi phabep in SDO Kamjong office meiya ahal lhah ahi’in, hiche mun hi revenue district thah DC in phat chomkhat sung’a ding’a office’a aman ahi.
Hetthei khat chu Phungyar a Water Supply Scheme Augmentation kibol hi Dk.382 lakh lut ding ahi. Sumlut ding lah’a Dk.381.87 lakh hi Centre in apohdoh ding chuleh State in Non-Lapsable Central Pool of Resources (NLCPR) noiya Dk.38.19 lakh apohdoh ding ahi.Water supply scheme hin mihem 1,630 vel don ding twi apeh ding ahi.Water supply scheme sung a hi Service Reservoirs 4 umding, Zonal Reservoir 6 , Surface Water Tank 1, Conveyance & Distribution Pipes 1,Chowkidar Quarter, Godown chuleh Gutter and Drop pipes umding ahi. Hiche water supply scheme sung a tui kimangcha ding hi gotwi (rainwater) hiding ahi. Hiche scheme hi July nisim 7, 2014 a ana kipan ahi.
Eklayavas Model Residential School hi Ministry of Tribal Affairs, Governent of India in tribal district jouse a khatcheh tundoh ding ti’a thulhuhna ananei dungjuiya ana kisemdoh ahi. Hiche co-educational residential school sung a hi Pol VI-XII gei umding ahi. Chuleh kumkhat sung a simlai 480 vel enrolled kibol jing ding ahi.