Chief Minister in kivaipoh akitup nading le Forest thil ventup nadinga Online...

Chief Minister in kivaipoh akitup nading le Forest thil ventup nadinga Online Portal hondohna nei

134
0
SHARE

Chief Minister in kivaipoh akitup nading le Forest thil ventup nadinga Online Portal hondohna nei

Imphal, Mar 3(ET): Chief Minister N Biren Singh in CM Secretariat, Imphal khopi a Forest Department a dinga ‘Online Portal for Monitoring of Transit of Forest Produces, Revenue Collection and prevention of illegal transport and wildlife crime’ leh ‘Dynamic & Interactive Official Website of Forest Department, Manipur’ kiti Web-Application ni hondohna aneiyin ahi.

Kin gon a Chief Minister in Forest Department hon mipi boina suhlhap nadinga technology mangcha a Portal leh Website asemdoh jeh uvin apachatna thu aseiyin ahi. Online Portal hi gamsunga dinga amasapen ahi, tin aseiyin chule gamsung, adeh a thinglhang a gamlah kisuhset leh gamsa kitha alungkhampi na thu aseiyin ahi.

Gammang huh nading chule Climate Change thu suhlhap nadinga mipin sorkar toh pan alahkhom dinga temna jong aneiyin ahi. Tua hi mihon a inmun a amaho mobile phone a kon Online Portal leh Website a thu ahet theiyu ahitai. Sorkar in khonung aphattou nadinga hitobang tohgon anei ho mipin aphatchompi dinga CM in temna aneibe in ahi.

Application leh Website hi Prime Minister in ‘Digital India’ mission abol toh kilhon a kisemdoh ahi. Web-Applications hohi India government guideline dungjui hi ahi. Forest Department, Manipur in National Informatics Centre Services Inc. (NICSI) kiti Ministry of Electronics & Information Technology, India government noiya um body mangcha a asemdoh ahi.

Dynamic Online Portal hi ‘function’ tamtah um ahi. Customer/Consignees leh Forest staff ho dinga natoh a ol cheh nading ahi’in, kivaipohna pha, adih na natohna, mipin information amu nading, customer/consignee ho hahsatna olsah a, alemchang lou ho aumlou nading, natoh aganna ding, customer leh Forest staff ho kah a natoh a sumguh kipehna aumlou nading ahi. Transit Pass lhem kiman na ho jong akisuhmang theina ding ahi, ajeh chu Transit Passes (TPs) hi system generated hiding chule QR code umding ahi. Portal hi adeh a Forest thil chule Wildlife ho dan dihlouva akipoh na natoh vendohna dinga kisemdoh ahi.

Chule hiche hin dan dihlouva na kitong ho avendoh teng gamsung revenue collection jong hoijep ding ahi in, online payment a government exchequer in deposit gangtah a abol thei ding ahi. Website a hi business anop nadinga public interface kipe a chule Nursery Management system, mechanism for Management of Wood Based Industries, scheme-wise leh District-wise a Department natoh chom chom ho platform jong um ahi. Adih louva natohna aumlou nading hi tua sorkar in akhohsah ahi.

Kin gon a Dr. Suhel Akhtar, IAS, Addl. Chief Secretary (Forest, Environment & Climate Change); Kereilhouvi Angami, IFS, PCCF & HoFF; Anurag Bajpai, IFS, Addl. PCCF (Admin) le Nodal Officer (IT); Waikhom Romabai, ACF le in-charge, IT chule NIC official holeh Forest Department a senior official hojong apang uvin ahi.

Election kon a ADC 6 a tohmun ong lah dinga thuso ATRPFM in demna nei

Imphal, Mar 3(ET): All Tribal Rights’ Protection Forum Manipur (ATRPFM) in February nisim 12 nikhon Governor, Chief Minister, Minister (TA & Hills), Chairman, HAC chule Chief Election Officer, Manipur henga go juh/chuh akipat masang, April ahiloule May lha teng ADC election 2020 bol ding ngehna a lekhathot apeh u ahi.

Election Officer (HQ), CEO, Manipur in Secretary, State Election Commission, Manipur henga lekha apeh copy nisim 26.02.2020 nikhon kamu uvin ahi. Ahivanga authority hon tuni chan a action deibanga akilah nadinga natoh apat loulaiyu ahi. Hiche sanga Additional Chief Secretary (TA&Hills), Manipur government in nisim 29.02.2020 ni a ADC CEO jouse henga State Cabinet in nisim 26.09.2019 ni a meeting a phatsahna aneiyu thu chule Finance Department (PIC) vide UNO. No. 218.2019-2020 (PIC) (dated 21.12.2019) a state sorkar in ADC gup (6) a tohmun ong 750 lah nadinga phatsahna anei thu joh hetsahna anei ahi.

Ipijeh a sorkar in election kon cha a tohmun ong lahding ati ham ti sorkar in suhthengna anei dinga ATRPFM in temna aneiyin ahi. Tua ADC hon election kon leh election jouva natong ding alah diu ahi’in, ADC thah hon appointment/recruitment hi akah maithei ahi. Tu masanga jong hitobang anaum ahijeh a ginmona sangtah kinei ahi. Natoh kilahna hi election a kisumang ditna ding ham? Ipijeh a election kon cha a tohmun lah ding kisei ham? Sorkar tohgon hi ipi ham, tin thudoh anei uvin chule election kon a appointment ima bol louding chule election notification hi phat vaigei louva asodoh lou ule keihon keiho het a action kalah diu ahi, tin aseibe uvin ahi.

Tua ADC hohin khantou machalna ding natoh atoh nading uva phat alhingset (kum 5) amu u ahi’in, ahivanga hetthei um ima abol louvu ahi. Mipi dinga natoh nomna lunggel aneilou jeh uva amaho phat suhsaobe angaipoi. Amaho hin 13th leh 14th Finance amu u ahitan, ahivanga natoh doh umlou ahi. Aumsa ADC ho period extend bol nading thu aumpon, hiche jeh a election hi angaiya banga bol ding ahi, ati.

Mopohna nei jousen November lha a election bol dinga recommendation lahdoh dinga ngehna anei uva chule April ahilouleh May lha a election bol dinga asei diuvin temna jong anei uvin ahi. Candidate hon political party ipi hijong leh adeilhen uva election tet nadinga tha aneiyu ahi’in, candidate hon party min a election atet theilou nading Act khatcha a dan umlou ahi. Hiche jeh a HAC in recommendation apeh ‘partyless election’ bol nading thu aumpoi, tin aseibe uvin ahi.

 

Persons with Disabilities chungchang a ni-2 umding Orientation Programme hondoh hita

Imphal, Mar 3(UNA): Lamyanba Shanglen, Palace Compound mun a Tuesday nikhon PwD (person with disabilities) ho a dinga welfare scheme chom chom kichepi ho toh kisaiya ni-ni ‘Orientation Programme’ abol uvin ahi.

Kin gon hi Disability Cell, Social Welfare Department, Manipur government in ‘Implementation of Various Welfare scheme for persons with disabilities & implementation of UDID project in the state’ kiti agenda a agon ahi’in, District social welfare officer ho, child development project officer (Imphal East, West, Thoubal le Bishnupur district) chule data entry operator, District Social welfare officer ho dinga kibol ahi.

Director Social Welfare Department, Government of Manipur Ng. Uttam le Child Welfare Officer, Social Welfare Department, Government of Manipur L. Dhaneshwor jong kin gon a apang in ahi. Director Ng Uttam in ahoulimna a ‘Orientation program’ hi mipin scheme chom chom ho athu ahetna dinga kibol ahi, tin aseiyin ahi.

Boina tamtah aumjeh a tahsa bukimlou ho dinga kigong scheme chom chom lolhing tah a kichepi theilou ahi, tin aseiyin chule CM Gi Sotharabasingi Tengbang’ scheme a thil lu holah a thum hi tahsa bukim lou ho ding ahi, ati. Gamsunga resource alhahsam jeh a lungtup kibulhit theilou ahi, tin Ng Uttam in aseiyin ahi.

Ti bukimlou ho dinga kigong scheme chom chom hi thinglhang gamlha tah a um hon amu pouvin, athu hetna lhahsam ahi hi ajeh lenpen khat ahi’in, hiche jeh a awangwadi ho a athu hilna neiding hi alampi phapen hiding ahi, ati. Mi tamtah in awareness, notice ahiloule thuso a advertisement kiso hohi agel thupi lou ahi’in, hiche jong thu athu mipin ahet theilouna ajeh khat ahi, ati.

Thinglhang gamlha tah a cheng tahsa tibukim lou he hon District Social Welfare Officer ho akijahmat pi uva chule PwD ho lim ahiloule video asem sah uva, District Social Welfare Officers a kon scheme akilah diuvin temna aneiyin ahi. UDID process jong chelha ahi’in, UDID hi India pumpi a akichepi teng le disability ho dinga scheme atamjo kisem ding ahi, tin aseibe in ahi.

Tahsa tibah a lhahsamna ho sel kigot louding chule jachat pi loudinga Ng Uttam in temna aneiyin, amaho dinga kigong scheme chom chom hojoh amu thei nading uva pan alah diu ahi, ati. Programme a interaction session jong department official leh resource person hotoh aneikhom uvin, PowerPoint presentation jong ape uvin ahi.

Konsam Sushila, Postherpetic Orthortics, Social welfare Department in disability chom chom ho thu aseiyin, CDPO, ACDPO, Supervisor ho jaona a mi 50 program a apang uvin ahi.

 

N Babysana thi thu a CBI Special Crime Branch in court henga ‘investigation report’ thum channa pelut

Imphal, Mar 3(UNA): Central Bureau Investigation (CBI) Special Crime Branch, Kolkata in kum masa July 18 ni a Standard Robarth Higher Secondary School, Canchipur hostel sunga N Babysana athi sa akimudoh thu toh kisaiya investigation report thum channa court henga apelut uvin, Pheiroijam Landhoni, Founder cum Principal, achanu leh Co-ordinator Pheiroijam Romita chule achapa Junior Administrator Pheiroijam Robinson, Standard Robarth Higher Secondary School, Canchipur statement chungchang ahi.

CBI Special Crime Branch, Kolkata in court henga apehlut third monthly report a hin Manipur High Court in kum masa November nisim 6 ni a thutanna anei dungjuiya CBI Special Crime Branch, Kolkata in case register abol a chule February nisim 3 ni a court henga ‘progress report’ kipelut ahi’in, February nisim 4 ni a court in asan ahitai, ati.

February 15 ni a scrutiny period sunga MB Bardhan, director, CFSL, New Delhi lamkaina a Central Forensic Sciences Laboratory (CFSL), New Delhi a kon expert holeh CBI team hon Babysana apa chule Standard Robarth HS School thalheng leh Manipur Police ho umna a thilso namun avil ahi, ati. Thilso namun PO (Place of Occurrence) hon nadinga memorandum kila hi state police hon achaina pen a amun avil u July 30 jouva akoiyu ahitai.

Thilso pet a thukholna a pang Singjamei police station a personnel 5, SDPO Imphal anahi S Nandababu Sharma leh Additional SP Operation escort abon uva amaho statement kila a record kibol ahi. Scrutiny sunga prosecution witness ni thudohna kineiya, amani statement jong record kibol ahi, ati.

Thilsoh toh kisaiya themmona neiya kingoh mithum – Principal Pheiroijam Landhoni, Co-ordinator Pheiroijam Romita leh Junior Administrator Pheiroijam Robinson jong thudohna anei uva, statement alah u ahi. Scrutiny sunga CBI team hon Imphal a logistic support peh nading camp kisem thu a Joint Secretary (Home) Manipur kouna apeh u ahi. Thukholna sunga Standard Robarth Higher Secondary Residential School, Canchipur a natong ho min, umna, contact number ho kila ahi, tin jong report apeh nauva asei uvin ahi.

Hetthei khat chu High Court thupeh dungjuiya CBI Special Crime Branch, Imphal in thukholna anei ahi.

 

CM in Manipur State Biofuel Board General Body Meeting masapen lamkai

Imphal, Mar 3(ET): Chief Minister Shri N. Biren Singh in Chief Minister’s Secretariat a tunin Manipur State Biofuel Board General Body meeting masapen alamkaiyin ahi.

Meeting a Additional Chief Secretary Dr. Suhel Akhtar, PCCF & HoFF Kereilhouvi Angami, Commissioner (Revenue) Gyan Prakash, Director IBSD Prof Pulok Kumar Mukherjee, Director (Agriculture) Laltanpuii Vanchhong, Central Agricultural University, Iroisemba le Manipur University professor holeh entrepreneur hojong apang uvin ahi.

Meeting a U mangra (cassava) biofuel (ethanol production) a process bol aphatchom na thu ho aseikhom uvin ahi. Chief Minister in thinglhang le phaicham chule themjilna mun chom chom a cassava a kon ethanol production sem doh ding chule aphatchomna ho thu hilna ‘awareness campaign’ abol diuvin thuhilna aneiyin ahi.

Official hon hiche toh kisaiya DPR (detailed project report) asem diuvin hetsahna aneiyin chule expert, scientist, professor leh adang dang panna a Technical Committee asemdoh diuvin jong ngaidan aseiyin, cassava lei kibol hi kani lei bol ho dinga akhel jong hithei ahi, ati.

Meeting a subject chom chom a expert hon ‘cassava’ hi akitu a kon lha 6 lha 7 ho a aga kila ahi, tin asei uvin chule climate change, environmental degradation ho dinga jong pha, genthei ol na ding, khantou nading chule adang dang a dinga aphatna ho thu jong asei uvin ahi. Loktak Lake a phumdi ho a kon biofuel sem ding thu jong meeting a aseikhom uvin ahi.

Numei suse a kingoh khangdong khat ‘observation home’ a umdinga court in sei

Imphal, Mar 3(UNA): Chief Judicial Magistrate, Imphal West in March nisim 3 nikhon numei suse a kingoh khangdong (juvenile) khat ‘observation home’ a umdinga asol uvin chule February 25 jingkah a jinei numei khat suse a kingoh pa ‘ossification test’ bol ding aphal tauvin ahi.

Juvenile pa hi CJM, Imphal West court a adinsah u ahi’in, ossification test bol nadinga ni 5 police khut a akoibe diuva thumna aneiyu ahi. Case IO in Assistant Public Prosecutor (AAP) a kon apehlut na a khangdong pa hi numeinu in Hiyanglam police station a hehna asem toh kilhon a February nisim 27 ni a kiman ahi, tin aseiyin, achesa February 25 sun nidan 11.30 don a insung a numeinu a imut pet a pasal pa hi room sunga lut a, numeinu hunam a aluppi ahi.

Mipa hin ka kam asip jeh a eikithopi dinga ka tehpi kakou theilou ahi, tin numeinu in hehna asemna a aseiyin, ka jamdoh jouva ka tehpi kakou le khangdong pa jong jam ahitan, insung kahol le khangthah pa in motor bike chabi adalhah kamu ahi, ati.

Thudohna anei nauva themmona nei khangdong pa injong achunga ngohna kisem ho anopna thu aseiyin, March 3 chan jail a umdinga ana sei uva , tua hi Ossification test’ bol dinga ni 5 jail a umbe dinga police hon ngehna anei ahi.

Alangkhat a, ngohna kisem khum pa defense council in khangthah pa hi akum lhing loulai ahijeh a observation home a asol diuva taona anei ahi. Court in alangni thusei angailhah jouva khangdong pa ‘observation home’ a koi dinga aseilhah a chule police hon ‘ossification test’ bol dinga ngehna anei ujong aphal peh ahitai.

 

58 channa Kuki Nampi Taona lolhing tah a kimang jou

Imphal, Mar 3(ET): Achesa February nism 26 akon 29 chan chun 58 channa Kuki Nampi Taona (KNT) Saheibung Baptist Church, KBC No. 7 (Saheibung mol) a ana kimang chaiyin ahi.

Taona kingon a chun Rev. Dr. Ginkhanmung Zou, Advisor KNT leh Pastor Jamkhopao Haokip, Principal Dr. Colvin Academy, Moreh speaker in apang lhon in II Chronicles 7: 14 ‘Keima mina kikousa kamite chu ahung kineo sah thei uva taona anei uva hitia hi keima angsung ahinhol thei uva athilse bolnauva kona akihei manguva ahileh keiman jong vana kona kahin ngaija achonset nau kangaidam ding chule agamsungu kadamsah a kaphatsah ding ahi’ ti thupi mangchan houlim na ananei honin chule Thangcha khongsai, Ngamjathang chuleh Tripura akon Lalchoisang hon Testimony akon kitil khouna thei tamtah in mipi heng’a ana seidoh uvin ahi.

Saheibung haosapu Ngamthang Haokip in Saheibung molkhat Nampi taona mol ding in anatohdoh in hiche taona mol jong lhandohna ana um in ahi.

Kuki Nampi Taona a kalsong mipi te lhunkim nikhon Saheibung Houbung in ankong anasempeh uvin chule kikhen nikhon N. Boljang houbung in ankong anasempeh kit in ahi.

Chule taona kingon sung chun Kotlen Assam Rifles post hon mipi duty anapoh peh uvin chule nasatah in ana kithopiuvin ahi.

Kuki Inpi Manipur, President Khaimang Chongloi le General Secretary Solun Mate in jong taona kingon a pan anala lhon in ahi.