Ccpur a dia Artificial Turf ground masapen hondoh hita

Ccpur a dia Artificial Turf ground masapen hondoh hita

330
0
SHARE

Ccpur a dia Artificial Turf ground masapen hondoh hita

B.Lalboi Gangte

CCpur, July 13(ET): Churachandpur District  khopi sung’a ding in Artificial Turf ground masapen tuni jinglam nidan 10 in SL Lamka Turf kiti, Gangpimual mun’a hondoh na ana kinei tan ahi.

Kingon achun  Agriculture Minister V. Hangkhanlian Jin-gun in apang in aman SL Lamka Turf hondoh na aneiyin, Mualkawi EBCC pastor Tunthianmang in Pathen kom’a lhandoh na aneiyin ahi. Hiche SL Lamka Turf hondoh nakin’a chun Jerry Mawihmingthanga, ISL ah fastest goal scorer record holder, Jacintha Lazarus, IAS, leh C. Arthur, IAS, K.Kabib IPS ho injong panlah na ana nei uvin ahi.

SL Lamka Turf hi football/futsal  kichep na dia professional ground hiding ah kisem ahin, professional grade artificial grass akipha soh kei ahin, hiche mun jang ah kichem nom ho apungkal ah kichepman lah hiding, July 15, 2019 apat manchah thei pan hiding ahi.

Minister V. Hangkhanlian in ahoulim na a CCpur tilou’a Manipur state sung ah futsal kichepna ding’a kibol artificial turf  aum lout oh lhon a hiche turf hondoh thei’a aum hi akipa dan atahlang in, district sung khangtou na amano jing ahi na football bou  hilou ah lam chom chom’a khantou na alhutding tupna jeh’a Kamsuanlun in CCpur district ading ah gouman tam tah leh kichep golseh lang’a kitil khouna thei ahin pohdoh nachung’a akipa pina thu aphongdoh in ahi.

Gojuh kitup lou jeh a Manipur phaitol gam sung’a Phailei lou lho nalang lolhing theilou di dinmun a  aum toh lhon a government in alho na thei ding thil jat chom chom apoh doh dan jong tahlang na ana nei in ahi. State Govt. in lou bolmi ho  poimo jat fertilizer kining lhing a stock anei dan le CCpur district sung’a loulhou  mi ho jahding afertilizer Bag 3,000 val kihom doh ahi tah dan jong hetsah na ana nei in ahi.  Lou lho na leh fertilizer toh kisai a DAO leh DC a vekol ding a State Govt. in mopoh na apeh dan jong minister pa in tahlang na ananei in ahi.

Jacintha Lazarus IAS in  ahoulim na a SL Lamka Turf akon’a CCpur district mipi hon damthei na hoijo ahin muding uhi kaki nepna ahi in, CCpur district kahung jin seh leh thilthah mudoh kanei jing in, CCpur district apat kichem  mi hon hondoh thah aum Turf akon a  National leh International level chan’a nehhol na thei ding khop ah lolhinna ahin nei ding uhi kadeisah leh kaphat sah in ahi ati.

Tuni’a kihongdoh SL Lamka Turf hi ajah man jingkah leh sun ah  Pungkal 1 ah dk, 1, 500 hiding chuleh  nilhah ah Dk, 2, 000 hiding, booking bol nom hon jong akibol thei diu, hondoh ahitoh kilhon’a tuni apat July lhasung discount abol diu dan jong avesui ho in hetsah na ahin nei uvin ahi. SL Lamka Turf kisem na hi dk, 30 lakh val lut’a Kamsuanlun in asem ahi in, National League (standard size) ah len 105×56 ahi in, artificial turf kijang ho Altius (Neitherland) akipat ahi.