Bassi in Sunanda thi-lo na ajeh pen aseidoh poi: Subramanian Swamy

Bassi in Sunanda thi-lo na ajeh pen aseidoh poi: Subramanian Swamy

140
0
SHARE

 

New Delhi, Jan 16 (ANI): Congress lamkai Shashi Tharoor inneipi Sunanda Pushkar hi gu neh jeh’a thi ahi, tina in BJP lamkai Subramanian Swamy in Saturday nikhon Delhi Police Commissioner BS Bassi in numeinu in thina atona chemical compound min kicheh tah in aseidoh poi, tin ngohna aneiyin ahi.
“FBI hon Sunanda thilong’a heart arrest sodoh nathei gu (poison) lidocaine amudoh uve, tihi Police Commissioner in thuso miho heng’a aseipoi”, tin Swamy in aseiyin ahi. All India Institute of Medical Science (AIIMS) in Pushkar viscera report kholna anei jouva Bassi in janhi nikho chun Sunanda hi dammo jeh’a thi ahipoi, tia photchenna ananei ahi.
FBI ho report’a chun sample kithot holah’a radioactive material khatcha apangpoi, tin thuso miho heng’a aseiyin ahi. Dr Sudhir Gupta, HOD, Forensics lamkaina AIIMS Panel in aseina’a Pushkar hi Polonium-210 ahilouleh Po-210 neh jeh’a thi ahi, tia asei ahi. Delhi Police hon phengmai 15 lhing Federal Bureau of Investigation (FBI) report AIIMS Medical Board heng’a amaho ngaidan lahna ding’a apehlut ahitai.
Sunanda Pushkar (51) hi achesa 2014 kum January lha’a Leela Hotel, New Delhi khopi’a athisa kimudoh ahi. Pushkar viscera sample ho kum masa February lha’a Washington khopi’a um FBI lab’a kholna neiding’a athot-u ahi in, AIIMS ‘a kon doctor phabep in Indian labs’a poison phabep ho akihedoh theipoi, tia asei jouva athotdoh-u ahi.