Babysana thi thua thingnoi ho kikum

Babysana thi thua thingnoi ho kikum

1077
0
SHARE

Babysana thi thua thingnoi ho kikum

                   Achesa July 18 (2019) ni’a Imphal Canchipur Standard Robarth School hostel a Class 7 simlai nungah chapang khat athisa a ana kimudoh thua phaicham thingnoi (Maoist) ho ahung kikum kit uhi athu boina cheh khat hidiham, thudih hungpotdohna di joh ahidem seihahsa ahi. Kum 11 vel Nongthonbam Babysana hi Imphal Thangmeiband a kon ahivang’a hiche Standard Robarth School a kaija Hostel a jong  um ahi. School neite leh Hostel a mopohna neiho seidan’a Babysana hi amale ama ana kikhailih ahi ti ahi. Ahin hiche hi Babysana insungmiten atahsanlou ahi. Akikhailih ahileh itidan’a akengto lang bonlhoh naat/maa theiya chuleh akhup a anadilsu thei ham ti hi ahi. Tua Maoist thingnoi hon asei uhi Babysana chu amale ama anakikhailih ahitah jongleh itidan’a anu apa kihetsah masatpen louva Police ho ana kihetsah masatna akikhailihna mun (hostel room sung) a ainko te tahbah kilutsah louva police ho bou kilutsah masat ham ti ahi. Hiche hi boina umkhante ti jeh a School/Hostel authority hon police akou masat ujong hithei ahi. Ahin hiche hi thudih selna dia kibol mong ahi tia ngohna nei loi tam kit ahi. Thingnoimi ho, police ho, Civil Society holeh MLA/Minister ho gei sum thahatna’n thudih akiselji e tia Maoist thingnoi hon asei hi thil khohtah khat ahi. Hichu Babysana thina (kithana) thua jong thudih kiselmang go ahi ti hi ginmona um tina ahi. Babysana apa seidan’in achanu hin ima lungboina leh lungnopmona hojong aneipon athini masang ni ni vel bep jong chun kipah tah in aum’e ti ahi. Alanghatna, Babysana hi chapang cha ahivang’a akham chabepma dongma nei lang’a jong choh thet, lekha ajih kimudoh holah a anuthah (anuno) in apa umlou kahleh ajepji hojong aseije ti ahi. Hiche hohi Babysana jih lekha mong hinam, ahilouleh akikhailih mong ahinai tina dia aphotchenna (proof) a dia kisem thu hidi ham jong seithei hikitlou ahi. Mun gamla, gampam jong hilou, Imphal khopi sung mama’a cheng’a Hostel a kikoi kiti jong hi Hostel ah lekhasim akitupmin, niseh school a chele vale aboijeh in anavah e kiti jongleh het hahsa khat vang hithou kit ahi.

                        Hostel a um chapang hohi warden holeh Teacher hon phaten avekol’e kiti jongleh inmun’a anu apan avetkol bang hiponte tia seiloi jong umjin adihnachan leh apumdih louna jong umdi ahi. g ahi. Ahin ase apha hethei mipha chu hoilai ah umleh pha thoudi ahi ti hi mi tamjo tahsan ahi. Manipur a hi kithana hihen, kikhailihna hileh thina khat aumpou pouleh ginmo di tam jeng, thudih kholdohna dia JAC kiphutdoh teitei jeng, lamlen’a mipi kiphinna jat khat jong umpai jeng hi angaina ahitah jeh in Babysana thi thua jong JAC kiphutna kiphinna khuchengpai jeng ahi. Mundang khat ham, Hostel sung mama ham’a khat nin atha a mi tamtah umna Hostel Room sung’a akikhailih dan’a akoi diham ti tahsan dijong hahsa kit ahi. Class kilah pet midang ho hostel a umlou petna thilsoh ahijongleh aga mudoh masapen di chu aumkhompi aloi ho hidi ahi. Post Mortem Report hi adihchet hetna di ahin akivolih ham, akikhailih ham ti chu bailam tah a hetdoh thei ahi. Ipi hileh tulai khansetna jatjat tam, hunam’a kisuhset jouva kithat ti jong tam, akikhailih kiti jong umdalou, akikum loudi thingnoi hogei kikumna jong tamji ahitai. Babysana thi thu kholna chu chelha jing henlang School vang kikhadaleh dih thei di ahi.