April lha’a kon Bihar gamsung’a jujoh kikhah tading

April lha’a kon Bihar gamsung’a jujoh kikhah tading

141
0
SHARE

 

Patna, Dec 19 (PTI): Nitih Kumar sorkar in Bihar gamsung’a khovei April nisim 1 nikho’a kon ju khamtangna ding’a tohgon anei hondohna anei tauvin ahi.
Ahin, Indian Made Foreign Liquor (IMFL) hi government mun phabep’a kimuding ahi. Amasapen’a hi April nisim 1, 2016 kum’a kon gamsung’a ju kijoh kikhah ding ai, tin Chief Minister Nitish Kumar in tuni nilhah’a cabinet in toukhomna anei jouvun aseiyin ahi. Hiche nikho’a kon sorkar noiya um Biihar State Beverages Corporation Limited (BSBCL) in IMFL thil hohi municipal leh town council lhang’a ajoh theidiu ahi, ati.
State Excise department noiya um BSBCL in IMFL retail chungchang’a mopohna alah ding chule dan khoutah asem’a outlet asem ding ahi, tin Kumar in aseiye. “Tu masang chan geiya BSBCL hi IMFL wholesale ‘a pe’a bou pang’a ahi in, tu’a kon retail chan geiya mopohna alahdiu ahitai”, ati. BSBCL in IMFL sale alah teng leh tu-leh-tu’a um ju kijohna 90 percent tobang hi kikhah ding ahitan, gamsung’a khamnathei bol’a sangtah’a khesuh ding ahi, ati.
Excise Policy thah phatsahna aumna ding’a Chief Minister in special cabinet meeting kouna anei ahi in, tohgon hi phase-wise’a chepi ding’in sorkar in aseiyin ahi. Ahin, itih teng leh IMFL kikhah ding ham, ti thu vang asei poi. Election masang’a Kumar in gamsung mi numei ho heng’a sorkar kasem jouteng ju kakha ding ahi, tia kitepna ananei ahi in, hiche thu Nitish Kumar in avel in aseikit in chule ju joh kikha jeh’a revenue anemsuh ding hi gelkhohna kaneipoi, tin aseiyin ahi.