Appointment letter muloulai jeh kiphin

Appointment letter muloulai jeh kiphin

314
0
SHARE

Appointment letter muloulai jeh kiphin

                       Kiphinna’a “2013 Police Constable batch” hon ahung lhung ding July 10 jankim a pat July 11 jankim gei National Highway lamlen ho a ‘Total Shutdown’ (bandh) bol dia thuphon ahinnei kit uhi service ‘join’ boldi angalelval jeh u hidi ahi. Service kilahna “Recruitment” lahlah a 2013 police Constable (Male) batch hohi kum le lha tamlutnapen hidi, akhohleh India pumpi titah louva vannoija dia phat tamlutnapen himaithei ahi. 2013 June lha vel’a Recruitment Process ana kipan chu boina tintang’in ahinphah khum jeh in ningkum Christmas dikon tah chun nahchangsal’in Result phondoh in ana um’e. Hiche jong chu Candidate hon kiphinna jatjat ijavei ananei jou uva hibep ahi. Ahileh Final Result kiphonkal kum keh khat val kit ta’a tugeija Appointment lekha kipeloulai, Training jong panloulai kiti hi asung lang’a ipi boina umjeh ham akihetlou vang’in govt nin akhohsahlou jeh jong hiloudi ahi. Service Recruitment process kiti hi kum khat kalval phat alahna di umlou didol ahi. Ahin Manipur a mi tamtah ahonchang’a service kilahna (Mass Recruitment) ho hi akum akum lut jengji ahi. 2013 police constable batch hohi aboi mong dia umdoh uham jong tithei ahitai. Imajouse kichai nung’a Recruitment Cancel ana kibol’a pat boina hung kipan’a Court Case jong ana lut ahi. Amasa lang’a kiphinna chu Court thutan dungjuijin govt nin  Result phongdoh hen ti anahin tua hi selected (akilhengdoh) ho Appointment letter kipe hen lang Service kibolpanloi hen ti ahikit tai. Tutun Appointment letter kipeu henlang service bolpan jongleu kum phabep (kum 5) langpi hi amoh mansah u ahitai. Kum 5 mansah ho chu hiche Recruitment a lhendoh a ana umlou (amulou) hoto te dia avangphanalai u ahi. Ajeh chu hiche Recruitment a anajao tamtah hon kimuteijinte tia kinepna ananei loi amulou tamtah umkit ahi. Hiche Recruitment ana kineppi jeh a service dang, Recruitment dangdang ana donlou loi jong tamtah umdi ahin amulou ho chu tulang’a akum u kile/vaigei loi jong umdi ahi.

                      Govt nin hiche thua kiphinna bolgo ho ahin kihoupia lhepna/jolna khat jong hung um maithei, hicheto lhon’a bandh kikou jong anikho le aphat chet hung lhun kah a lahdoh a hung um maithei ahi. Tua govt kisuh chehchuhlou toh, govt a sum le pai dinmun hoilou (sum umlou) toh apet pet nin Appointment order kipeu henlang Service Join bolpai jongleu lhalhun teng lhalo ahinmu diu hinam seithei ahiloujeh in phat chomkhat lutnalai diham ti hi ginmo um ahi. State govt a sum le pai dinmun hoilou jeh a 2013 police constable batch ho Appointment letter akipehdaleh tukum kumbul lang’a anakipan IRB Recruitment hi itih langleh ahung kichaijin akila, amu ho Appointment letter ahung kipedem ti jong ngaito khopset thei ahi.  Hiche jeh a natoh (service) ngaito/hol hon munkhat seh-seh a boldi golouva imu tokah a service dang dang jong ngaitojing di ahidan kihilna a neithei ahi. Natoh itileh govt service bouva kipum ngapdi ti jong kipalna thei ahidan het thei hicheh cheh ahi. Ajeh chu tulai mun jouse’a candidate atam tah jeh a athem, ahat, aneijou ngen imalam jouse’a kitetna ahitah jeh in govt service bou natoh a gelna thei khang hitalou ahi.