‘Ancestral’ thucheng thu’a Kuki inpi Manipur in Thuphon nei

‘Ancestral’ thucheng thu’a Kuki inpi Manipur in Thuphon nei

1019
0
SHARE

‘Ancestral’ thucheng thu’a Kuki inpi Manipur in Thuphon nei

Imphal, Oct 16(ET): Tunilhah vaigeitah a Kuki Inpi Manipur in Kuki Inn Imphal mun a thuso miho akimupi na ah Anglo-Kuki War Centenary Commemoration Lumsong chung’a kijih ‘In defence of our ancestral land and freedom’ kiti thu’a state government in achesa October nisim 15, 2019 nilhah in Kuki Inpi Manipur lamkai hotoh kihou khomna ana nei in hiche kihoukhomna achun CM Manipur in KIM lamkai ho heng’a ‘Ancestral land’ thucheng khella thucheng dang mang dingin temna ana neiyin ahin hiche ding chun Kuki Inpi in kapom pouve tin dettah in pan ana kilan ahi ati.

Hiche thu’a Kihou lhahna aum thei tah lou jeh in Joint Secretary (Home) Govt. of Manipur in Lumsong chunga ‘In Defence of our Ancestral Land and Freedom’ kiti thucheng manthei louding hiche Memorial stone kitung doh ho jouse suhmang ding ahi tin order ahin sodoh tan ahi.

Govt. in hiche order ahin sodoh toh kilhon in KIM lamkai holeh CM pan DGP leh Chief Secretary jaona’n avel in meeting ana kinei kit in Pu leh Paten gam leh chamlhatna venbitnan British govt. jong kum thum lang ana kisatpi uvin ahi. Ahin, State govt. leh Central govt. in tuchan a hetpehna imacha neilouva akoi hi KIM lamkai hoseh hilouva Kuki Nampi jousen ipohnat nao ahi jing in ahi. Hiche ho jouse lainat naleh gelkhoh nan KIM lamkai hon CM kom ah tepna anakineito lhon in Anglo-Kuki War 1917-1919 hetjing nan 17 October hi State holiday ding a phondoh ding, Anglo-Kuki War 1917-19 Memorial Park, Greater Imphal sunga semdoh ding, Memorial stone kitung doh ho suhmang nadinga order ho revoke bolding, Ukhrul ADC Chairman in Communal tah a lekha ajih holeh Tangkhul long hon 14 Aug Independence day aman hou kha sahding chule Senapati bazaar sung leh Tangkhul chenna mun phabep a Southern Nagalim tia Sign board dunga ajih hou sumang uhen tin hetsah na ana kineiyin ahi.

Hiche achunga point kipe ho state govt. in bulhit soh dinga nopna na nei ule KIM injong kanam mite hotoh kihou khomna nei uvin tin ka nam mite hou vin jong phat sah na anei ule kihou khomna na nei kit ute tin kivai lhah na ana kinei in ahi tin KIM in Chief Minister pa toh akihou na thuu asei na uva tahlang na ana nei uvin ahi. Hiche toh kilhon in KIM lamkai ho leh AKWCCC lamkai ho in achesa October nisim 16 nikho a Kuki Inn Imphal mun a Emergency meeting ana kikou in, hiche meeting achun KIM leh abahkai chuleh nam sunga aching athem  hojong tampi anag pang uvin ahi.

Hiche kihou na achun KIM lamkai holeh AKWCCC lamkai ho in alunggel uleh atohgon ho jouse u akikhom ho jouse hetsah na ana nei uvin chuleh akikhom mipi ho injong phatsah na ana nei uvin ahi.  Kihoukhomna kichai in KIM in Chief Minister patoh kihou na ana nei khom kit na uva, Chief Minister pa in Anglo-Kuki War het jing na a October nisim 17 nikho state holiday dingin cabinet minister phabep jaonan order apet toh lhon in asodoh in, a copy jong KIM lamkai ho kom a ana pedoh pei in in ahi. Anglo-Kuki War memorial Park semdoh nading injong apet  in committee ana semdoh pei ngal in, Minister Letpao Haokip leh Minister Karam SHyam jong committee member in lhendoh na ana kinei in ahi.

Ahin, nam sung’a kihet khelna jeh in KIM leh AKWCCC lamkai ho chung’a deilouna joh asoh doh tan hijeh chun KIM leh AKWCCC thulhuh nabou hilou, public meeting kibolla kithulhuhna kisem hijong leh Nam sung’a kihet khelna leh kitomo nading ahi leh kithulhuh naho jouse akivohai tai. Hiche Chung Chon a Kuki Inpi kumpi in KIM le AKWCC asuh bei toh kilhon in, Anglo-kuki war Centenary thu hihen Lang ipi thu hileh thanei naleh kimat na anei tapoi ati.

Alang khat a tahsan umtah thulhut kimun aseina ah  jing nikho le C Aisan mun a kimang ding kingon a KIM le AKWCCC in pan alah lou ding ahinla Kuki Inpi Saikul gamkai le KSO Saikul makaina noiya kingon chelha ding chule thucheng jong khatcha kikhelna umlou ding ahi akiti.