AMBADA in BADP thu’a boina High Court lhut ahitai ti; Haosa hon...

AMBADA in BADP thu’a boina High Court lhut ahitai ti; Haosa hon BADP adia lekha poimo apehdoh lou diuva ngeh nanei

151
0
SHARE

AMBADA in BADP thu’a boina High Court lhut ahitai ti; Haosa hon BADP adia lekha poimo apehdoh lou diuva ngeh nanei

B.Lalboi Gangte

CCpur. August 12(ET): All Manipur Border Area Development Association (AMBADA) in thuso anei dungjui in Border Area Development Programme (BADP) toh molso na ding lamtoh kisai’a adin mun detjing ahi dan atahlang in ahi. Chuleh AMBADA hin Manipur a Border Area a gam nei Haosa thunei hon tanglou’a pan alah jing’u dan jong atahlang in ahi. Governor, Chief Minister, Minister ho, MLA ho chuleh Churachandpur, Pherzawl, Chandel, Tengnoupal, Ukhrul leh Kamjong Deputy Commissioner ho jouse heng’a jong Manipur thinglhang gam’a BADP toh molso ding dei lou kimkhat lahdoh ding’a ngeh na tamtah vei jong akipelut tan ahi. Ahin tuni chan’a doh louva aum jing nalai toh lhon in Manipur High Court in hiche thu ahin kholchil’a avetkol ding’a mopohna peh’a um ahidan jong atahlang in ahi. High Court ah hiche thu toh kisai achelhah jing lai ahi.

Hiche toh lhon’a Pawan Yadav, IAS, Deputy Commissioner, Churachandpur in achesa August nisim 8, 2019 nikho’a 2016-17 leh 2017-18 ading’a BADP natoh naho kintah’a pat ding thu in meeting akou in ahi. Deputy Commissioner thah in hitobang khantou nalam ding’a natoh ding akino vang in thinglhang gam’a Haosa dinmun ahethem lou nachung’a phamo asah dan aphongdoh in ahi. Chuleh ama phat masang’a mopoh na tuh ho heng’a AMBADA, Zomi Chiefs Association, Kuki Chiefs Association leh Border Block chom chom’a Chiefs Association um ho thil ngeh apom lou hou maban’a ching thei tah’a kholchil na anei masat ding uvin hetsah na anei in ahi. Border Area ah Haosa ho jouse in Manipur High Court thutan ngah ding leh khochil na kinei masang’a BADP natoh pat thei nadia lekha poimo chom chom tichu NOC, Land Availability Certificate pehdoh lou ding in hetsah leh ngehna anei in ahi. Hiche ngehna jui lou Haosa ho khoutah’a vetlhah hi ding chuleh AMBADA in Border Area ah Haosa ho thunei na leh thannei dih tah venbit na ding’a pan lah thei chan’a kila jing ding ahi tinjong thuso chun aseibei.