Ama-leh-ama kithat ahipon, tolthana ahi, tia Kejriwal in Rohith thi chungchang’a sorkar...

Ama-leh-ama kithat ahipon, tolthana ahi, tia Kejriwal in Rohith thi chungchang’a sorkar demna nei

108
0
SHARE

 

Hyderabad, Jan 19 (Zeenews): Rahul Gandhi Hyderabad khopi’a akholjin thu’a Social Justice and Empowerment Minister Thaawarchand Gehlot in hitobang thu ho’a politics bol louding ahi, tin thuso miho heng’a aseiyin, ministry in hiche chungchang thu kholna anei ahi in, thudih’a thutanna umding ahi, ati.
Telangana gam’a Dalit simlai khat ama-leh-ama akithana thu’a Telangana in report apeh ding’a Gehlot in asei ahi. Delhi Chief Minister Arvind Kejriwal in Prime Minister Narendra Modi demna aneiyin, hiche hi mikhat ama-leh-ama kithat ahipon, toltha na ahi. Democracy, social justice chule kibang tah’a lhat khomna kithana ahi, tin aseiyin chule Modi in minister ho atohmun’a kon nodoh henlang gamsung mi heng’angaidam thum hen, ati.
Telangana Jagruti Yuva Morcha hon Union Minister Bandaru Dattatreya inmun pam, Hyderabad khopi’a kiphinna abol uvin ahi. Union Labour Minister Bandaru Dattatreya leh Hyderabad University Vice Chancellor janhi nikho’a hiche thu’a FIR akijihlut na’a kimin phah ahi. Rohith Vemula (28) hi Sunday nikho’a aloipa room, hostel sung’a akikhailih’a kimudoh ahi. Second year, science, technology leh society studies department’a research scholar pa hi hostel’a kon kinodoh simlai 5 lah’a khat ahi in, Akhil Bharatiya Vidyarthi Parishad (ABVP) lamkai hotoh akinah jou uva, classroom tilou facility dang jouse’a lut thei louding’a dan asemkhum-u ahi.
Congress vice president Rahul Gandhi Hyderabad khopi’a simlai pa ama-leh-ama akitha jouva simlai ho kimupi ding’a che ahi. Party general secretary Digvijay Singh toh kilhon ahi in, university simlai ho aimupi lhonding ahi, tin party’a kon kimu thulhut in aseiyin ahi.