AFSPA agangtheipen’a lahdoh ahina ding’a Naga Hoho in ngehna nei

AFSPA agangtheipen’a lahdoh ahina ding’a Naga Hoho in ngehna nei

640
0
SHARE

Afghanistan leh Pakistan gamgi chin’a um tribal ho chen na mun’a Targeted Killings  umjing hin human rights hatah in atongkha’e. Kashmir leh Sah-solam gamkai sung’a jong hi AFSPA in atohkhah insungmi tampi in tunigei’a ahesohnaho’u asuhmil loulai’u ahi. Hitolhon’a activists ho leh social worker hon gamkai teni sung’a kon AFSPA lahdoh ahina ding’a kholhang anasap jing’u ahi.
Nagaland a pansa Nagate apex body , Naga Hoho in tuni chun Union Government heng’a Armed Forces (Special Powers) Act 1958 lahdoh ahina ding in ngehna anei in ahi.
Naga Hoho Media Cell in aseidan in Sah-solam gamkai sung’a kon Centre in AFSPA alahdoh nomlou hi lungthim phalou ageljeh ahi tin ngohna anei’e. Hiche chungthu’a hin state sorkar in jong mipi lungdei bolsang in kijahmosah’a, ima helou bang kisa’a umding adeijo’e tin Hoho Media Cell in asei’e.
Hoho Media Cell in asebena’a chun Union government leh Nagate hin settlement neiding’a thulhuhna anei ahitan, mipi hon sovereign power adei dungjui’uva chepi hiding’a kinoptuona kinei ahitai ati. Hiche dinmun toh kitoh’a  tutu’a chelha political negotiation leh peace process hi August nisim 2, 2015 a ana kisem Framework Agreement toh kitangguol’a kisem ahi tin Hoho in asei’e. Chuleh RSS in Jammu and Kashmir leh sah-solam gamkai sung’a AFSPA suhsaobe ahina ding’a lunggel aneidan aphondoh hi lungdon umtah ahi tin Hoho in asei’e. Naga ten self determination umna ding’a tonguon kinei ho hi ‘terrorism’ toh akibahna umlou ahi tin Hoho in asei in ahi. TNT