Aam Aadmi Sena, Punjab in-charge Arora in Kejriwal pen twi the khum

Aam Aadmi Sena, Punjab in-charge Arora in Kejriwal pen twi the khum

135
0
SHARE

 

New Delhi, Jan 18 (Zeenews): Sunday nikho’a Chhatrasal Stadium mun’a Delhi CM Arvind Kejriwal pen twi (ink) ‘a bulu numeinu hi Bhavna Arora ahi, tin thuson aseiyin, chule pen twi thekhum’a numeinu hi Punjab-in-charge, Aam Aadmi Sena ahi, tin aseibe uve.
Thuson aseina’a chun Aam Aadmi Sena iti hi AAP natong anahi’a party anadalha hon asemdoh-u ahi. Chhatrasal Stadium mun’a public meeting achelhah pet’a numei nu hin Kejriwal pen twi anathe khum ahi. TV footage chom chom ‘a kimu dungjuiya, Kejriwal in ‘odd-even’ formula lolhinna thu’a Delhi gamsung miho heng’a kipathu aseina mun (stage) lang jon’a numeinu lhailut’a pen twi athekhum ahi.
Apet pet in police hon numeinu aman uvin, ahin, CM in alhadoh diuvin police ho heng’a aseiye. “Lha uvin, amahi scam thu khat seiya hung ahi. CG scam thu aseiyin, alekha lahpeh uvin”, ati. CNG scam hi Congress sorkar vaihomna noiya anaum ahi in, Kejriwal sorkar in tu naicha chu hiche thu khol ding’a Commission of Inquiry anasem doh ahi. Centre in agamhop (jurisdiction) thu aminpat’a, kholna hi dan toh kitohlou ahi, tia aseiyu ahi in, ahin, AAP sorkar in lunglha louva kholna chepi jom ding’a kilolna aneiyu ahi. January nisim 15 nikho’a kichai ‘odd-even scheme’ lolhinna chung’a CM in Delhi gamsung miho heng’a kipathu aseinom jeh’a AAP sorkar lamkaina’a kin-gon kibol ahi.