Sept 25, 2016 Local news

Sept 25, 2016 Local news

1307
0
SHARE

DSWO in Old Age Pension sum homdoh
6546d2cd-9d83-4c6a-a3de-adec39924c1a

Lien Gangte
CCpur, Sept. 24 (ET): District Social Welfare Office, Chiengkawnpang, Tipaimukh Road mun’ah MOAP (Manipur Old-Aged Pension) Scheme noi’a beneficiaries (Green, Black & White card holder) ho’a dinga pension sum March, 2015-Feb., 2016 a ding hopdoh na ache lhah jing toh kilhon in 24th Sept., 2016 jingkah nidan 10:30 apat chun Tipaimukh A/C nuoiya MOAP beneficiaries Card No. (i) 1/06/TPM-385/10/TPM leh (ii) 1/12/TPM-200/12/TPM ho’a ding hopdoh na akipan in ahi. Chuleh, 26th Sept., 2016 nikho leh Old Age Pension sum hopdoh na kipan kit ding, sum lah ding nikho tep sung’a dammo najeh leh boina chom chom jeh’a la theilou ho’a ding a jong sum hopdoh na chelha jing ding ahi. Chuleh, Saikot A/C noyi a MOAP beneficiaries, Henglep A/C noiya MOAP beneficiaries, Singngat A/C noiya MOAP beneficiaries, Ccpur A/C noiya MOAP beneficiaries, Thanlon A/C noiy MOAP beneficiaries chuleh, Tipaimukh A/C noiya MOAP beneficiaries ho’a ding hopdoh in ana um tan ahi.

  Chuleh, A. Umarani Devi, District Social Welfare Officer, CCpur in Old Age Pension sum ana kisan AADHAR Card, Bank Account book xerox leh lekha poimo chom chom pelut nailou ho’n maban’a boina atuo lou nadiuva agang thei pen’a lekha poimo ho DSWO Office mun’a apelut cheh diuvin hetsah na aneiyin ahi. Chuleh, Old Age Pension sum ama tahsa’a hung theilou, damlou (bedridden) ho’n 26th Sept., 2016 masang ngei’a District Social Welfare Office mun’a application pehlut cheh ding in hetsah na jong aneiyin, chuleh nikho tep sung a Old Age Pension sum kilah lou leh tahsa dammo najeh’a hung thei lou ho’n SDO/SDC akon Living Certificate akilah diuvin hetsah ahi.

  MOAP (Manipur Old-Aged Pension) Scheme noi’a beneficiaries ho’n Card chom chom Green, Black chuleh White card anei uvin, tuchung Old Age Pension sum hopdoh’a aum toh kilhon in MOAP hamphat na mu ho’a ding in Card kibang Purple Card DSWO in apedoh in ahi. Chuleh, Ccpur Dist. sung’a MOAP (Manipur Old-Aged Pension) Scheme noi’a hamphat na mu mi 3440 aum in, amaho’n kum seh’a Old Age Pension sum dangka 2400/- cheh akisan jiuvin ahi.


Thangal Surung’a kisa Eco-Tourism Complex donlouva um, KSO-SG le kiloikhom phabep in lungkimlouna phong

Thangal Surung - WEB
Kaybie Chongloi

SADAR HILLS, Sept. 24: General Thangal penna mun Thangal Surung Vangkho’a kisa Eco-Tourism Complex donlouva kikoi nachung’a Kuki Students’ Organization Saikul Gamkai,Thangal Students’ Union le Thangal Surung Village Authority hon alungkilounau aphong’un ahi, hitolhon chun authority in guideline apeh dungjuiya natoh, achai diuvin ngehna anei’un ahi.

  Hetthei khat chu Eco-Tourism Complex hi Ministry of Tourism, Govt. of India tohgon noiya Manipur Development Society in Dk. Lakh 310.85 lut dia kum 4/5 masang’a chu ana sahpan ahitai.

  Thangal Surung Village chief K.Gongrisim Thangal in aseiyin, Thangal Surung’a kisa Eco-Tourism Complex hi Ministry of Tourism in abol project 28 lah’a khat ahin, Manipur Development Society in 2010-11 kum’a ana sahpan ahin, Concern authority in Eco-Tourism Complex sahna ding’a, hiche kum mama a chu Dk. Lakh 310.85 ana kaidoh ahi, chuleh 30 April, 2015 masang’a natoh chai ding’a tohgon ana hi. Ahinlah Market Shed khat, Open Stage khat, Cafeteria khat chuleh Rest House/Shed phabep sah chailouvin, natoh bangkhai in akidalha in chule Guideline thupeh toh kikal in Open Stage sung’a Toilet khat jong akikoi poi tin K.Gongrisim in aseiye.

  Thangal Surung haosapu’n jong Complex kisahna a guideline toh kikal’a sah chailouva kikoi chungin, thil kimang hohi quality phalou ahi tin alungkimlouna aphongdoh in ahi. Chuleh February nisim 14, 2015 a review meeting kilolna dungjuiya tourism project jouse Director (Tourism) in avil ding tia thulhuhna aumvang’in, tunigei’in Director (Tourism) in khatvei jong complex vetlhahna ahung neikhapoi tin Haosapu’n aseiye.

  Government le concerned authority in Eco-Tourism Complex kisah ho ahungvil’uva , na kitongho agan nathei banga banjom le jona anei loi diuvin Thangal Surung Haosapu’n ngehna jong aneiyin ahi.Haosapun aseibena’a chun, kum phabep masanga khosung a Police Out Post khat tundoh ding tia anakisei chu athu a bou kisei abang tai, chuleh 24×7 PHSC service umding tia State Health Director Dr. Ibomcha in aseijong chu 24×7 akikhah jing’e ati.

  Thangal Surung hi Imphal-Saikul lamlen a kon km 31 vel gamlha ahin, chuleh National Highway 2 via Sapormeina-Saikul road a kon kum 2 vel gamlha a um kho khat ahi ati. Thangal Surung minphaona hi Thangal General pen na mun ahijeh jong ahi. Thangal Surung khomol chungvum a hi ‘Surung’ tia kiminvo leikohom khat um ahi’n, thusim a kimu dungjuiyin hiche leikohom sunga hi ahcha ilhalut le Phaiya, Manipur Maharaja leitol’in ahungpotdoh’e tin ana kisei jie.


Manipur sung’a democracy aumpoi: Sharmila

8105_iromsharmilaSADAR HILLS, Sept. 24: ‘Iron Lady’ Irom Chanu Sharmila @ Mengoubi [The Fair One] in Senapati DHQ a akholjin nah’a chun simlai ho, numei kiloikhom lamkai ho le milham kiloikhom lamkai ho toh Hope Center, MANEDA, Monday Market a kihoulimna aneiyin ahi.

  Sharmila in ahoulimna a chun MANEDA pachatna sangtah apeh tokilhon’in golto banglou chapang ho toh kihoulimna jong aneiyin ahi. Chapang ho to akihoulimna’a chun AFSPA doudalna a pan alah ho chung’in houlimna aneiyin ahi. Ahoulimna a chun “Manipur sung a democracy aumpon, gamsungin aphalam a kikhelna lentah angaichai” tin Sharmila in aseiye.

  Sharmila’n aseiyin kiphin na lam a mi hetthei khat ahina le boina tamna gam Manipur sung’a mihetthei khat kahi jeh hin loi phabep in politics a kalutding adoudal’e ati. “Keijong mihem kahi in loi phabep in amaho lhaving noiya ka umjing nading’a lungthimse apat’u hi ipi jeh ham kahepoi. Keijong mihem kahi in, I’atile eidal koi got u ham?. Mitam tah in politics hi thilthenglou ahin, I society’u jong athenglou ahi atiuve.” tin Sharmila in aseiyin ahi. Aman aseiyin politics kalut dingji miphabep in ajah nompo’n, hitobang miho hi thilphalam a kikhelna deilou ho ahiuve ati.

  Geldoh thei khat chu Sharmila hin November nisim 2, 2000 a kipat an-ngol kiphin na ahinbol’a August 2016, nisim 9 ni a chu a an-ngol anahai ahi. Hapta 500 val akam sunga an mal khat le tuivat khat jong aval lut lou ahi’n hitolhon chun leiset chunga angol-kiphinna bolsotpen jong ahitai. Supreme Court in judgement abolna khat a Security personnel hon Armed Forces (Special Powers) Act, 1958 noiya kivenna anei’u aphatsahlou dan aphon dohjou lhakhat jouva sharmila in angol-kiphinna ahaisan ahi.

  Chuleh apex court’in lhamasa chun, Army hon criminal court ang a adin teng’u le “absolute immunity” aneipouve tin ana phongdoh’in ahi. International Women’s Day, 2014 kiman ni’a Sharmila hi MSN poll dungjuiya top women icon of India kilhenna a vote mutam pen anahi.


ADC, Moreh in Polling station ho kholchilna nei

Moreh, Sept. 24 (ET): Election Commission of India thupeh dungjuiyin N.Gogendro Singh Additional Deputy Commissioner (ADC) Moreh in, Moreh Sub-Division sung’a um Polling Station ho vetchilna aneiyin ahi. Hitolhon chun electoral roll a amin jaulou ho’n amin akikhumlutna ding’un tuni chun kondong Lairembi Haraobung a kihoulimna kingon khat jong agong’in ahi.

  Gogendro Singh in tuni vetchilna anei hochu polling station 42/49 a pat 42/70 chuleh Kwatha vangkho a um polling station ahiuve. Aman aseidan in polling station atamjo hi abang umlou chuleh kotpi le huikot umlou ahiuvin, hiche thu hi mopohna nei department kom’a kihetsah ding ahi ati.

  Kihoulimna’a Gogendro in aseiyin , tutu’a chelha special summary revision wrt 1/1/2017 noiya Moreh Sub-division sunga khosa mimal jousen vote apeh theina ding’uva electoral roll’a amin akisutlut diuvin temna aneiyin ahi. Kum 18 lhing khangdong ho le gamchom a kon hung kichonlut ho chuleh numei hung jinei hon jong electoral roll a amin akisutlut diuvin temna aneiyin ahi. Electoral roll a amin kisutlut nom hon Form akilah’uva a’onglai jouse asuhdim teng’u leh photo ni (2) toh ama khut’a apehlut ding’uvin temna aneiyin ahi. Koitobang ama toh kimu manlou aum le staff ho ahilou le community lamkai ho henga apehlut diuvin ahetsah’e. Electoral roll a amin kisutlu nom hon form akilah teng’u le phone no. sutna ding mun kipelaiya aphone number uh kichehtah a asut diuvin Gogendro in aseieyin, chuleh form pelut hon staff ho khut’a form apehlut tengu le apehlutna pa/nu min le soi phatah a akilah diuvin jong ahetsah thai. Form pehlutna ding phat hi October nisim 7, 2016 chan kihongding January nisim 20, 2017 le final electoral roll kiphongdoh ding ahi tin Gogendro in aseiye.


Cascade Mall, Burlington’a meithal’a kibuluna’a mi nga thi

532077-us-shooting (2)California, Sept. 24 (Zee News): Friday jan’a US gamsung Washington’a um mall khat’a meithal kikapna thilsoh in mi nga athi’in chule phabep akitongkhan ahi.
Spain pao tho thal choipa chu thilso na mun’a kon’in ajamdoh tai, tin police hon Friday nikho’n social media’a thuso anei uvin ahi. Burlington khopi’a um Cascade Mall’a jan nidan 7.30 pm don thilsoh ahi.

  Thilso na mun hi Seattle’a kon miles 65 (105 km)’a gamla ahi, tin Washington State Patrol spokesman Mark Francis in Twitter ‘a aseiyin ahi. Thilsoh’a numei thum athi in chule pasal ni akitongkha in, mikhat hi adinmun seithei lou khop’a kitongkha ahi, tin Francis in thuso miho heng’a aseiye.

  Hiche masang’a chu Francis in thilsoh’a thi mi 4 hiding’a anasei ahi. Official hon thilso til chun ginmo khangthah khat in rifle hiding’a ginmo thil akichoi na video surveillance asodoh ahi. “Tu dinmun’a ima seichen thei ahipoi. Thilsoh umchan hetoh ho thudohna umjing nalai ahi’in, maban ‘a action lah ding dan seilhah hilou lai ahi. Hiche mun’a kon mipi ho akikang se diuva bou kisei nalai ahi”, ati. Alangkhat’a, NBC News in Washington State Patrol hon Burlington thilsoh hin thingnoi toh kisaina aneipoi, atiuve, tin thuso ‘a asei uvin ahi.


Jiribam district ‘upgrade’ bolna ding’a JDDC in kiphinna pan kit ta

Imphal, Sept. 24 (ET): Jiribam District Demand Committee (JDDC) hon full-fledge revenue district ‘a akisem nading’a sub-division mun chom chom’a toumun kiphinna apan kit tauvin ahi.

  JDDC in Jiribam sub-division upgrade bol’a full-fledge revenue district ‘a semdoh nading’a kum phabep kiphinna ahin neiyu ahitai. State sorkar in hiche thu agelkhoh lou jeh in alunglhai lounau JDDC member hon asei uvin, Jiribam mite heng’a sorkar in kitepna lhem asem’e, tin ngohna anei uvin ahi. Chule sorkar in thumna gelkhohna anei louva ahileh toumun kiphinna seh hilouva kiphinna khousah be ding’a jong gihna aneiyun ahi.

  Hetthei khat chu JDDC leh state sorkar in achesa November nisim 9, 2011 kum’a Jiribam district upgrade bol’a full-fledge revenue district ‘a sem doh nading’a MoU soi ana kai lhon ahitai. JDDC thumna tosotna in Merchant Union, JIribam injong toumun kiphinna abol uvin ahi.


ZOO leh Forest department in ‘white paper’ apeh ding’a KCP-MJC in sei

Imphal, Sept. 24 (ET): Zoological Garden (ZOO) leh Forest Department in nikho 5 sung’a 2014 – 2016 kum’a fund kimanchah dan thu ‘white paper’ a apeh diuvin Kangleipak Communist Party- Military Joint Committee (KCP-MJC) hon ngehna anei uvin ahi.

  Ningthem Mangang, Secretary Publicity and Propaganda, KCP-MJC in soi akaina thuso’a chun kiloikhomna in ‘Save Kanglei Mission (SKAM) noiya forest department in fund alam louva aman ho akholtoh ding ahi, ati. Japi phatchomna ding’a kipe sum hohi department official hon alam louva aman ahi, tin ngohna aneiyui. Chule SKAM in Zoological Garden (ZOO) ‘a gamsa leh vacha ho alhom cheh cheh na ajeh jong kholna apat ding ahitai, tin aseibe in ahi.


JCILPS hon gamdang mi 18 man kit; Siroy travel agency ‘ban’ bol-u

ilpsImphal, Sept. 24 (ET): Thuphon anaum sa bang’a JCILPS leh civil society organisation chom chom hon kol-leh-vai douna ‘drive’ apan kit uvin, Saturday jingkah 11 don in JCILPS volunteer hon North AOC ‘a konin kol 18 aman uvin, amaho hi Simplex Company in Tamenglong ‘a lei sahna ding’a athalah ahi.

  Thuso miho heng’a JCILPS convenor B Moirangcha in ana kiphong doh masa bang’a, gamsung’a kol-leh-vai hunglut ding kijahda ahi, ati. Gamdang miho hi Sangai Travel Agency noiya lhai Guwahati ‘a kon Mao bus’a hung tou ahiuvin, hiche’a kon local bus (registration number MN01-2085) ‘a Imphal chan hung ahiuve, ati. Akiman gamdang miho hi ama ama gam’a ahin puilhung’a bus in ale thah ding ahi, tinjong aseiye.

  Simplex official ho Sunday nikho leh hiche thu’a JCILPS office ‘a ache diuvin ngehna aneiyin chule Siroy Travel agency hi lhakhat sung ‘ban’ bol ding’in jong thuphon anei tai. Gamdang mi kol-leh-vai ho gamsung’a alut theilou diuva pan kila hi gamsung (India) douna ahipon, state sorkar leh central sorkar in ILPS thu agelkhoh loujeh ahi, tin hilchenna aneiyin ahi.


MZP, HQs Manipur in 43rd Annual Conference leh Meritorious Award hopdoh na nei

298ad718-1100-4d26-a333-e7da25d595b3Lien Gangte
Ccpur, Sept. 24 (ET): Mizo Zirlai Pawl (Mizo Students Association), Headquaters, Manipur in 24th Sept., 2016 chun 43rd Annual Conference leh Meritorious Award hopdoh na YMA Hall, Hmuia Veng ah anei uvin ahi.

  Hiche kingon toh kilhon in, Chief Guest in Joseph Lalhimpuia, Parliamentary Secy., Govt. of Mizoram apang in, Guest of Honour in Lungmuana IAS, Principal Secy., Govt. of Manipur leh J.C. Ramthanga, IAS, Principal Secy., Govt. of Manipur apang in, Functional President in B. Vanlaltana, Vice-President, MZP Gen. Hqrs, Aizawl apang in chuleh, Chief Host in Vanlalrinliana, President, MPC, Manipur apang in ahi. Chuleh, Ccpur dist. sung a Orgn. chom chom KSO, TKSU, HSA, Zillai, KZP le adang ho jong apang uvin ahi.

  Chief Guest, Joseph Lalhimpuia, Parliamentary Secy., Govt. of Mizoram in asei na’ah Manipur adeh’a Ccpur dist. sung’a um Zo chate lekhasim nalang a apachat thu aphong in, maban’a jong Officer leh Nam Lamkai na hung hi uva, Nam sung leh igamsung a ding’a nachih na leh na lekhathep na hou it lou hel a napan diu ahi ati. Chuleh, Mizoram a um ho’n jong Manipur a Zo chate’n genthei naleh hahsat na natuo hou ahun kihet pi in, nang ho kithopi ding a kiki man jing ahi ati. Chuleh, hoilai mun’a um jong leu hen ikilungsiet tuo uva iki thokhom jing diu ahi ati. Chuleh, Guest of Honour, Lungmuana IAS, Principal Secy., Govt. of Manipur leh J.C. Ramthanga, IAS, Principal Secy., Govt. of Manipur; Functional President, B. Vanlaltana, Vice-President, MZP Gen. Hqrs, Aizawl chuleh, Chief Host, Vanlalrinliana, President, MPC, Manipur ho’a kon jong houlim na aum in ahi.

  Mizo Zirlai Pawl (Mizo Students Association), Headquaters, Manipur in 43rd Annual Conference leh Meritorious Award hopdoh na kingon anei toh kilhon in, Hiako Memorial Meritorious Award mi 19 ho’n akisan uvin, amaho’n Cash Award leh Certificate akisan uvin ahi. Chuleh, Outstanding Achievement Award mi 6 ho’n akisan uvin, amaho’n Cash Award le Certificate akisan uvin ahi.


INC, DCC Office hondoh na leh Congress MDC ho Vailhunna kin-gon um

834396c4-59d4-4d56-9ecd-e9bc083f68faLien Gangte
CCpur, Sept. 24 (ET): Indian National Congress (INC), District Congress Committee Office hondohna 24th Sept. 2016 jinglam nidan 11:00 chun Bijang Family lane mun’ah ana um in ahi. Hiche INC District Congress Committee Office hondoh na leh Congress Ponlap (Flag) khaipal na T. Manga Vaiphei, Henglep MLA, Minister PHE, Sc & Tech., Labour & Employment in aneijin ahi. INC Dist. Congress Committee Office Pathien a lhandohna Rev. Dr.V Lalnghakthang Gen.Secretary RPC (NEI) in aneiyin ahi.

  Hiche kingon toh kilhon in, liemna thusei in Lalnghet Hmar, President, DCC apang in, chuleh Congress Party akon MDC mi 3, Pumtulthang Lianzo, Sangaikot MDC chuleh Congress in Nominate abol Holjang Lhungdim MDC leh M. Chungpa Kom, MDC ho Vailhunna leh kipapi vetsah na in T. Manga Vaiphei, Henglep MLA, Minister PHE, Sc & Tech., Labour & Employment in Congress Badge leh Congress ngong-o opehna aneiyin ahi. Chuleh, hiche kingon a hung pang K.C. Chonsei, MDC; Paolal Haokip, MDC; Ngamhao Touthang, MDC; Khaipao Haokip, MDC; M. Chungpa Kom, MDC; Holjang Lhungdim, MDC chuleh Pumtualthang, MDC ho’a houlim na aum in ahi. Kipa thusei na Khaitinlian, General Secy., DCC in aneiyin chuleh, phatkha taona Mangneilal Singson, President, Unit Congress Committee in aneiyin ahi.

  Chuleh, Congress in October, 2016 lhasung’a District Level Political Conference thupi kimang ding ahi dan District Congress Committee akon thulhut kimu’n ahi. Electoral Roll Revision toh kisai a Gram Sabha meeting 25th Sept., 2016 nikho leh B. Vengnom Community Hall mun’a nilhah pung 12:30 apat um ding ahi toh kilhon a District Congress Committee akon lamkai ho chuleh Worker ho jouse chekhom cheh ding in thulhut chun aseiyin ahi.


KWUM lamkai thah kilhengdoh

Imphal, Sept. 24 (ET): Tuni chun Kuki Inn, Imphal’ah Lunpi S. Gangte leh K Shatlen Kom , Returning Officer leh Presidding Officer hina’n 2016-2021 kum sung’a Kuki Women Union Manipur lamkai ding lhenodhna kin ana kibol in ahi. Hiche toh kilhon’in Mrs. Nenglam Tungnung – President; Mrs. Chongboi Hangshing – Vice President; Miss Hevah Touthang – General Secretary; Mrs. Avei Haokip – Finance Secretary; Mrs. Heshi Haokip – Treasurer; Mrs. Nengcha Haokip – Social & Culture Secretary; chuleh Mrs. Hatnu Kipgen – Information Secretary ho chu lamkai din lhendoh ahitauvin ahi. Hetthei chu phat masa’a chu Mrs. Rose mangshi Haokip hi Kuki Women Union Manipur president anahi tin K Shatlen Kom, Presiding Officer, KIM Election Committee a kuon thuphon in aseiye.


State Forensic Science Laboratory Grade II/IV posts exam admit card kihom tading

Imphal, Sept. 24 (ET): Government of Manipur, Police Department’a kuon thuso kimu’n aseina’a State Forensic Science Laboratory, Pangei a ding’a Grade-II & IV post a ding admit card ahung lhung ding 28/09/2016 nikho leh 1st Bn. Manipur Rifles Pavilion a jinglam 11 a kipat nilhah lam nidan 3 sung’a kihom ding ahi. Hiche admit card hi 30/09/2016 chan gei kihom ding ahin, candidate hon passport size photographs leh employment exchange card akichoi cheh diuvin T. Guite, Inspector General of Police (Z-III/HR/Trg/RTI), Chairman in hetsahna aneijin ahi.


Traffic Police drive

14368893_1800842093492793_5523179293979154538_nImphal, Sept. 24 (ET):Traffic Police holeh Imphal West Police team hon Saturday nikhon jong registration certificate kicheh neilou leh helmet umlouva gari neo tol ho holna anei jing uvin ahi. Traffic Police hon tunin document kicheh neilouva agom’a mi 150 ‘fine’ abol uvin ahi.


Liwachangning in 58 channa Eler Lungha Savaang Rotha Ekur chavang golnop bol

qq - webChandel, Sept. 24: 58th Eler Lungha Savaang Rotha Ekur chavang golnop chu tuni’n Liwachangning Village, Chandel ah lolhingtah in ana kibol tan ahi. Hiche kin chu Liwachangning Youth & Cultural Club (LYCC) in Monsang Tribe ho choin le khan chingtup jingna ding’a aguon ahi.

  Chief of Liwachangning Village Ng. Gilbert leh Ts. Nelly chu Chief Guest leh Sessional President in apang lhon’in ahi. Hiche kin’a chun tribe lamkai ho, khosung upa ho, houbung miho leh adng dang hon pan alauvin ahi. Golnop’a chun pu le pa kichep golseh, lakoi laa sah, nam laam tiho vetsahna ana um’in ahi.


Editorial UntitledSub division and Flood relief grief

  The Saikot Sub-Division Demand Committee (SSDDC) from Churachanpur district and the Chandel district Flood victims are the latest pressure groups from the hills to have announced agitations to back their demands for a ‘functional’ SDO (Sub-divisional office) and deliver of relief funds respectively. The latter has threatened to block highways in Chandel district if their demand for disbursement of last year’s flood and landslide relief funds claimed to have already been sanctioned by the centre. The form of agitation the SSDDC intends to carry out is not exactly spelt out but it can be said for sure that bandhs and blockades would surely be in the agitation menu. Both valley and hill based organizations already has many burning issues with them and are ever ready to press the agitation button. Such threat of agitations emanates from the lack of positive response from the concerned authority but it also appears that those on the agitation warpath have not considered the limitation part of the government or the process involved in various stages for anything. Yet the government need not necessarily wait for a public outcry to start the process. Chandel district witnessed and experienced a great magnitude of misery last year due to flood and landslide calamity resulting in loss of life, property and displacement. Being a natural calamity humanitarian assistance and contributions from non-government agencies and civil societies were promptly and generously extended. The central government too reportedly acted swift to do its part by sanctioning funds for the flood and landslide hit villagers. The failure of this government relief money to reach its ultimate destiny even after a year has now made the victims and their advocates to threaten the concerned authority to either give away the cash or face road blockades. But those who have threatened such mode of agitation seem to have forgotten that they themselves or the people for whom they speak would be the sufferer only. In whose hand this relief fund for the unfortunate has got stuck up should first be identified and the reason for delay in distribution should be made public.

  The Saikot sub-division issue too is not worth for announcing an agitation. It is already from a TD Block to a full-fledged Sub-divisional office. The office building enough to accommodate an SDO and his staff must be already there. There are many MCS officers including fresh entrants to the service who can be posted as SDO there. A Sub-divisional office becoming functional there would mean no additional financial burden. After all, SDOs in Tuibong, Lanva and Kangvai which are just few Kms away from the DC office in the district headquarters have already started to function. At the same time the SSDDC may remember that an agitation in this regard could result in hurting the wrong target only.


*For more news, articles etc. please click “ET IN PDF.”