Ratan ‘wanted’ tia thuphon um High Court in ladoh ta

Ratan ‘wanted’ tia thuphon um High Court in ladoh ta

311
0
SHARE

Imphal, Aug 23: Manipur High Court in tuni nikhon JCILPS convener anahi Khomdram Ratan ‘wanted’ tia police hon thuphon aneiyu aladoh tai.

Ratan ukil (counsel) Sr Advocate Khaidem Mani in thuso miho akimupi in, Khomdram Ratan in achung’a thuphon um doudalna’a writ petition apehlut court in asanpeh tan, Justice N Kotishwar leh Kh Nobin lamkaina division bench in ngehna angailhah jouva Kh Ratan chung’a thuphon umhi adih pon, lahdoh ding ahi, ati, tin aseiyin ahi. Division bench in police notification aladoh in chule police hon thuso anei nauva ‘wanted’ ti thucheng khel’a ‘information’ ti thucheng ho aman joh diuvin jong aseiyui, tin aseibe in ahi.

“Achomlam ‘a sei ding’a Ratan ngehna kisang ahitan, amahi criminal ahilouleh ajam jong ahipon chule achung’a ngohna jong kiladoh ding ahitai”, ati. Police hon koi tobang khat ‘wanted’ tia thuphon anei diuva ahileh dan ajui diuvin jong court in thuhilna aneiyin ahi. JCILPS convener anahi Ratn hi tu’a jong police custody ‘a um nalai ahi. Ama hi Keishampat Leimajam Leikai community hall’a achesa August nisim 17 nikho jan nidan 11 pm don’a kiphinna abol na’a amat-u ahi. JMIC Imphal West ‘a apuiyu Ratan hi nikho 9 police custody ‘a umding’a thutanna um ahi.

August nisim 26 nikho leh JMIC I/W ‘a ding kit ding ahi. Ratan hi Section 121/ 121A/ 109/ 120-B/ 148/ 149/ 152/ 153-A/ 188/ 341, Indian Penal Code chule 3PDPP Act leh Section 18/20, UA(P) Act noiya police hon hehna asemkhum ahi. Manipur High Court thulhuhna hin police hon dan ajui lhinglou na avetsah in, ahin, JCILPS convenor anahi Ratan hi achung’a ngohna kisem ho’a kon ongthol jou ding ham, ti seichen thei hilou lai ahi.