42 Channa Manipur Press Club Foundation nikho kimang

42 Channa Manipur Press Club Foundation nikho kimang

286
0
SHARE

Imphal, Jan. 6, (DIPR): Tuni (Jan. 6) chun Manipur Press Club, Major Khul, Imphal ah 42 chann Manipur Press Club Foundation kingon anaum in ahi. Function ah chun Chief Secretary, Government of Manipur, Oinam Nabakishore Singh, Chief Guest in apang in, Commissioner, Information, K. Radhakumar IAS, leh Director General of Police, Government of Manipur LM Khaute chu Guest of Honour in apang lhon in chule All Manipur Working Journalists Union, President Wangkhemcha Shamjai chu Functional President in apang in ahi.
Manipur state sung’a Journalism lampang akhantou dan aseitoh kilhon in Oinam Nabakishore Singh in Print leh Electronic Media standard jong ahoitou jinge ati. Investigative Journalism lampang jong akhohsah diuvin media hengah tilkhouna aneikit in chule hichena ding’a chu gamsung mipi adeh’a media lampang’a lunglutna nei leh atong ho’a ding’a Smart Phone Apps ho apoimo dan aseikit in ahi.
Director General of Police, Government of Manipur, LM Khaute in ahoulimna ah Police holeh media ho kikah a thu le la hojong ahoitou jingin, society sung’in Police leh media in na atohkhom jinglhon e ati. Alangkhat ah Police Department hi media holeh mipite huhbit a kipang jing ahi tinjong aseibei.
Press Club phutdoh’a anapang veteran journalist hojong tuni chun kipaman thilpeh abol uvin, tunaicha a Guwahati a 8th Media Sports Festival a overall team champion hinla hojong kipa thilpeh apeuvin ahi. Hiche Sports Festival ah chu Manipur journalist hon Gold 5 leh Silver 3 anasang uve. Hetthei khatchu Manipur Press Club hi January nisim 6, 1975 kum a ana kiphutdoh ahi.