24 hour bandh in gamsung niseh kimanchahna hatah a sukha; bandh toson...

24 hour bandh in gamsung niseh kimanchahna hatah a sukha; bandh toson hon gari thum suse

145
0
SHARE

IT News
Imphal, Dec 17: NSCN-IM in state police ho akaplih lungkimlou vetsahna le Government in NSCN-IM asuhthip joulou jeh’a lungkimlou vetsahnah a Khawaiband kailhang a thiljoh nupi ho’n nidan 24 statewide bandh abol chun gamsung niseh kimanchahdan hatah in asukha in ahi. Tuni jingkah a kon chun Nupi asang a sim in Imphal khopi sung mun phabep a lamlen ana ting’uvin bandh chu khoutah in ana vekol’uvin ahi. Tuni band khoudan chu hou le bih toh kisai a vahle ho jeng jong nupi ho nana ting’uvin ahi. Tuni Nupi ho bandh bol chu Nupilan anina ahitai ti’a seijong mi phabep aum in ahi.
Tuni bandh chu Khwairamband kailhang’a tou nupi ho kiloikhomna li in kilungkhat tah a abol’u ahi. Tuni bandh chu Jiribam sung’a jong khoutah in ana chelha in ahi. Bandh toson ho chun Gulathon gamkai sung’a Imphal a kon Tamenglong juon’a che gari li jong asuse’uvin ahi. Gari kisuse ho registration no. chu AS 11 CC 1391, AS 11 BC 6096 chuleh AS 11 BC 6370 ahi’uve. Thulhut khat in aseidan in tuni bandh jeh chun Jiribam a thilpo gari 378 vel atangden in ahi. Gari tangden ho lah’a 28 ho chu thaopo gari ahiuve.
Thoubal district sung’a bandh toson nupi ho chun lamlen laitah a thina tuoh police personnel thum ho lunghempi vetsahna’n coffin thum akoi’uvin lamlen a chele ho ana tingtan’uvin ahi. Tuni banch chu Wangjing, Bishnupur, Moirang culeh Nambol a jong khoutah in achelha in ahi.