2012 kum’a ‘Raisina Hill’ jon’in Army ho akitol uve kiti hi thudih...

2012 kum’a ‘Raisina Hill’ jon’in Army ho akitol uve kiti hi thudih ahi: Manish Tewari

522
0
SHARE

New Delhi, Jan 10 (Zeenews):
Union Minister anahi Manish Tewari in Saturday nikhon achesa 2012 kum’a isar’a kon Delhi jon’a sepai kitol hi adih ahi, tin photchenna aneiyin ahi.
“Hiche phat laiya chun Defence Standing Committee ‘a kana pang in, vangset umtah ahivang’a, thusim kisei hi thudih ahi”, tin Tewari in aseiyin ahi. “Mitoh kinel baotam ding kati ahipoi, keima het chan geiya thusim kisei hi thudih leh thutah ahi, tibou kasei nom ahi”, tin New Delhi khopi’a lekhabu kihondoh na kin-gon’a aseiyin ahi.
Achesa April nisim 4, 2012 kum’a Indian Express thuson achesa January nisim 16 jan (Army chief anahi General VK Singh in ama pen nikho thu’a Supreme Court ‘a ache jan) ‘a central intelligence agency  lamkaina) noiya military unit km 150 ‘a gamlha ‘a akichon uve, tia thuso ananeiyu ahi. Phat chomkhat jouva Army chief anahi Singh in Indian Express ‘a sepai ho khopi jon’a akichon uve, tia kiso thuso hi jouthu ahi, tia suhthengna ananei ahi.